– Nuk kishte kthim në dhomat e zhveshjes nga Milanin në pushimin e ndeshjes në “Dall’Ara” kundër Bolonjës, në kuadër të javës së parë të kampionatit të Serisë A.
Kjo për shkak të një problemi teknik, i cili ka nxjerrë jashtë funksioni sistemin e kondicionimit. Pra ishte shumë nxehtë në dhomat e zhveshjes, kështu që skuadra kuqezi mbeti në fushë me trajnerin Pioli, në pritje të fillimit të pjesës së dytë.
“Sot ishte 60 gradë në dhomën e zhveshjes, jo 40. Ne preferuam t’i linim të merrnin frymë në fushë”,- shpjegoi trajneri kuqezinjtë pas ndeshjes.
