Elefanti i vogël lihet i lidhur në pyll derisa ngordh

Një elefant foshnje ka ngordhur pas plagëve të tmerrshme kur një gjuetar e kishte atë dhe e kishte braktisur në një pyll në Tajlandën lindore.

Elefanti njëmujor u gjet nga fshatarët në Rayong, i lidhur me një litar në kyçin e këmbës që i kishte shkuar deri në kockë.

Nuk dihet se sa kohë elefanti i vogël, i pagëzuar Baitong, kishte mbetur pa qumështin e nënës kur u shpëtua, por ishte aq e dobët sa mezi qëndronte.

Elefantët e vegjël janë krejtësisht të varur nga nënat e tyre për ushqim, deri në moshën dyvjeçare. Nuk dihet çfarë ndodhi me nënën e të voglit.

Baitong u shpëtua më 18 dhjetor, por me gjithë kujdesin dhe një amputim të jashtëzakonshëm të këmbës së saj të infektuar, ajo ngordhi të premten.

 

/Ora News.tv/