Elvana Gjatën dhe Ermalin do t’i takojmë më 14 Shkurt

Xhirimet e filmit komik “Dy gisht mjaltë” përfunduan më 2 shtator 2018 ku Ermal Mamaqi njëkohësisht aktori që do të ketë rolin kryesor në këtë komedi, nëpërmjet një postimi në rrjetin social Instagram lajmëroi se filmi do të shfaqej në muajin dhjetor në të gjitha kinematë e Tiranës.

Mamaqi, i cili është njëkohësisht edhe producenti i këtij prodhimi, ka marrë në kast edhe këngëtaren Elvana Gjata, gjë që bën të ketë edhe më kureshtje tek publiku.

Por muaji dhjetor erdhi dhe iku, e “2 gisht mjaltë” nuk u shfaq gjëkundi.

Bordo.al kontaktoi show-man-in  të cilin e pyetëm se çfarë ndodhi me filmin.

Duket se komedia është shtyrë për një moment tjetër, e pikërisht më datë 14 shkurt 2019, ditën e të dashuruarve.

“Vendosëm ta shtynim për një ose dy muaj, dhe ta transmetojmë më datë 14 shkurt, meqë përkon edhe me subjektin e filmit. Përveç kësaj u menduam mirë se po ta jepnim tani do të kishte shumë shpërqendrim nga fluksi i aktiviteteve dhe filmave që janë në këtë sezon festash”; u shpreh Mamaqi për bordo.al

Si gjithmonë strateg Ermali edhe kësaj here, nuk mund të bënte përjashtim!/bordo.al

View this post on Instagram

Been waiting so long for this moment.. My first movie.. I love this Comedy with all my heart! So proud of everyone working so hard!#bestteam #bestdirector @emir35mm Wouldn’t have been the same without you my brother,thank you! I love you @ermalmamaqiofficial #2gishtmjaltë

A post shared by Elvana Gjata (@elvanagjataaaa) on