“Metoda Dikul”/ 5 Ushtrime që Ju Çlirojnë nga Dhimbjet e Forta të Shpinës!
Shumë njerëz vuajnë nga dhimbja kronike e shpinës, llojet më të zakonshme të së cilës shfaqen në pjesën e poshtme të shpinës (27%) dhe qafë (15%).
Përballimi i dhimbjes mund të jetë sfidues, por imagjinojeni veten duke ecur sërish dhe duke e jetuar jetën në maksimum pasi ju është thënë se nuk do të mund ta bëni më kurrë.
Ne njohim dikë që e bëri këtë gjë. Ai është Valentin Dikul. Madje ai mori edhe një hap më tej duke krijuar një sistem të tërë stërvitjeje për të ndryshuar jetën e njerëzve ashtu si ai dikur ndryshoi të tijën.
Ne morëm vesh çdo gjë rreth Valentin Dikul, si e krijoi ai sistemin e tij të stërvitjes dhe qendrën mjekësore dhe pse ushtrimet e tij mund të përmirësojnë jetën tuaj dhe ta ndryshojnë plotësisht atë.
Si u krijua stërvitje Dikul?
Valentin Dikul është një gjimnast cirku, dhe, çuditërisht, kreu i Qendrës së Rehabilitimit për personat me sëmundje të sistemit muskuloskeletal. Duke pasur një fëmijëri të vështirë, ai arriti të realizojë ëndrrën e tij për t’u bërë një artist cirku.
Sidoqoftë, në vitin 1962, gjatë një shfaqjeje në Kaunas, një lëndë që mbështetej në çelik u thye, duke e hedhur Dikul poshtë nga një tel sigurie prej 12 metër lartësi.
Mjekët thanë se ai nuk do të mund të ecte përsëri. Megjithatë, Dikul nuk ishte një njeri që e kapte lehtë dëshpërimi. Ai filloi të bënte ushtrime, së pari me pjesën e sipërme të trupit të tij, pastaj angazhonte gjymtyrët e tij të paralizuara sikur të ishin të shëndetshme.
Për të filluar, ai lidhi me një litar gjymtyrët e paralizuara dhe i tërhiqte ato dhe me anë të peshave, krijoi një sistem kundërpeshimi. Dikul ka projektuar “makinën e stërvitjes”.
Falë viteve të stërvitjes, Dikuli jo vetëm që iu rikthye një jete krejtësisht normale, por gjithashtu u bë një nga njerëzit më të fuqishëm në planet. Aftësia e tij për të manovruar peshat konsiderohet të jetë unike dhe madje kjo e bëri atë pjesë në Librin e Rekordeve të Guinnessit.
Megjithatë, arritja e tij më e madhe është krijimi i metodologjisë së tij të rehabilitimit mjekësorpër njerëzit me lëndime kurrizore.
Si mund të përmirësojë shëndetin tuaj stërvitja Dikul?
Edhe nëse vuajmë nga lëndime serioze, të gjithë e dimë se probleme të tilla si skolioza, osteokondrozadhe prolapset e diskut vertebral janë probleme të zakonshme për fëmijët dhe të rriturit.
Pra, si mund të të ndihmojë stërvitja Dikul?
Zgjidhni një sërë ushtrimesh.
Ushtrimet janë të ndryshme për çdo problem që mund të kemi, por ato janë të gjitha shumë të thjeshta.
Për shembull, më poshtë keni një sërë ushtrimesh për personat me dhimbje kronike të shpinës dhe parehati të shkaktuar nga osteokondroza.
Ushtrimi # 1
Shtrihuni në shpinë, hapni krahët duke i mbajtur pëllëmbët poshtë. Mbani këmbët drejt dhe së bashku. Pa ngritur kokën, supet ose këmbën tuaj të majtë, ngadalë kthejeni anën e majtë të këllkut tuaj në të djathtë.
Qëndroni në këtë pozicion për 2-3 sekonda, pastaj ngadalë kthehuni në pozicionin fillestar. Përsëritni të njëjtën stërvitje nga ana e djathtë.
Ushtrimi # 2
Shtrihuni në shpinë, hapni këmbët në gjerësi të shpatullave. Kaloni duart mbi gjoks. Pa e ngritur legenin dhe këmbët nga dyshemeja, kthejeni shpatullën tuaj të majtë në të djathtë.
Qëndroni në këtë pozicion për 2-3 sekonda, pastaj kthehuni në pozicionin fillestar. Përsëritni të njëjtën stërvitje në drejtimin e kundërt.
Ushtrimi # 3
Shtrirë në shpinë, vendosni këmbët tuaja së bashku. Hapni krahët tuaja duke i majtur pëllëmbët poshtë. Pa ngritur shpatullat dhe kokën nga dyshemeja, lëvizni të dyja këmbët sa më shumë në të djathtë që të mundeni pa i ndarë këmbët.
Qëndroni në këtë pozicion për 2-3 sekonda, pastaj kthehuni në pozicionin fillestar. Përsëritni të njëjtën stërvitje në drejtimin e kundërt.
Ushtrimi # 4
Shtrihuni në shpinë dhe hapni këmbët tuaja në gjerësi të shpatullave. Duart duhet të vendoen mbi gjoks. Pa ngritur legenin dhe këmbët nga dyshemeja, anoni në të majtë me një lëvizje të shpejtë, rrëshqitëse.
Qëndroni në këtë pozicion për 2-3 sekonda, pastaj kthehuni në pozicionin fillestar. Përsëritni të njëjtën stërvitje në drejtimin e kundërt.
Ushtrimi # 5
Qëndroni në këmbë, duke u harkuar përpara. Pa rrumbullakosur shpinën, përkulni gjunjët dhe përkuluni ngadalë duke mbajtur duart poshtë.
Qëndroni kështu për 2-3 sekonda, pastaj kthehuni në pozicionin fillestar.
Thjesht zgjidhni pajisjen që ju nevojitet ose përdorni ndihmën e specialistit për ta bërë këtë!
Shëndeti mendor
Në stërvitjen Dikul, puna mendore është po aq e rëndësishme sa vetë stërvitjet.
E gjitha fillon me një mendim pozitiv dhe besimin se ju jeni duke u shëruar.
Kushtojini vëmendje atmosferës rreth jush gjatë stërvitjes tuaj. Asgjë nuk duhet të të shpërqendrojë ose t’ju pengojë.
Nëse ndjeni zemërim, acarim ose zhgënjim gjatë stërvitjes, ndaloni dhe bëni një përpjekje për t’u kthyer tek mendja pozitive.
Përfundojeni stërvitjen me një pohim: “Stërvitja e sotme ishte e dobishme, kam bërë arritje të reja”.
Mbani mend parimet e Dikul
Për të vazhduar, ju duhet të pajiseni me parimet themelore të këtij njeriu të madh:
Forca psikologjike vjen përpara forcës fizike. Për të arritur rezultate fizike, duhet të keni këmbëngulje, stabilitet emocional dhe besimin që mund ta bëni.
Ushtrimet duhet të nxisin muskujt tuaj që të kthehen në normalë, por jo t’i stërmundoni ato. Me fjalë të tjera, mos e teproni – tri herë në javë duhet të jetë e mjaftueshme për shumicën e gjendjeve fizike.
Rutina e stërvitjes duhet të jetë e njëjtë nga sesioni i parë. Për më tepër, gjithçka duhet të bëhet ngadalë, butësisht dhe ritmikisht, pa ndonjë stres.
Gjithmonë dëgjojeni trupin tuaj. Nëse filloni të përjetoni dhimbje të rënda gjatë një sërë ushtrimesh, stërvitja duhet të ndalet derisa dhimbja të trajtohet me metoda të tjera.
Në fund të fundit, pse nuk duhet t’i besojmë një njeriu që ka arritur të lërë karrigen e tij me rrota duke i mundësuar vetes një jetë të shëndetshme?
Shpresojmë që pas leximit të këtij artikulli, të jeni po aq të impresionuar nga Valentin Dikul dhe ajo që ai ka bërë për vete dhe për njerëzimin.Ju lutemi na ndihmoni qe te mirmbajme faqen vetem duke shtypur mbi (Foton) e cila ndodhet direkt pas perfundimit te fjalise . Faleminderit per mbeshtetjen SHQIPE .