Rita Ora bën simbolin e shqiponjës në mes të skenës në Norvegji

 

Rita Ora e ka bërë simbolin e shqiponjës në mes të Norvegjisë.

Rita Ora, nuk po e harron asnjëherë prejardhjen e saj, shkruan lajmi.net.

Këngëtarja shqiptare, Rita Ora edhe njëherë e ka dëshmuar se është krenare që është shqiptare dhe kësaj here këtë e bëri gjatë një koncerti të mbajtur në Norvegji.

Rita derisa po këndonte e veshur me ngjyrat e flamurit të Kosovës për një moment u ndal dhe bëri simbolin e shqiponjës me duar.

Rita Ora së fundmi ishte pjesë e një misioni bamirës në Kosovë së bashku me UNICEF-in. Se kjo vizitë e kishte emocionuar ajo tregoi pasi ndau me ndjekësit disa nga fotot e realizuara gjatë vizitës së fundit në vendlindje.

  

  

Ky ishte statusi i plotë i saj lidhur me vizitën në Kosovë:

Jam e lumtur që jam në Kosovë. Kam pasur një udhëtim fantastik me UNICEF-in.  Me të vërtetë po mundohem që ta ndihmoj rininë kosovare. Jam e mrekulluar me punën që po bëjnë të rinjtë dhe jam krenare se jam pjesë e këtij kombi. Me të vërtetë jam e lumtur që kam takuar shumë heronj të ri. Faleminderit që më keni pritur”, tha Rita para të pranishmëve. Ajo po ashtu ka vizituar edhe fëmijët në nevojë.

Nëpërmjet një postimi në Instagram ajo ka treguar se kjo ishte një ndër eksperiencat të cilën nuk ka për ta harruar kurrë.

“Ende jam duke kujtuar javën e kaluar, vizitën time në Kosovë, vendin tim të lindjes  duke qenë kështu dëshmitare e ndihmës së pakrahasueshme që UNICEF-i u ka dhënë fëmijëve të së ardhmes sonë duke u dhënë atyre shpresë dhe besim. Unë shpreha dëshirën që të ju dhurojë fëmijëve disa lodra dhe pashë se sa të lumtur ishin me lot në sy. Si ambasadore e vendit tim është detyra ime që të sigurohem të bëjë gjithçka që mundem për bamirësi si UNICEF-i të cilët punojnë aq shumë për të siguruar rëndësinë e jetesës së një fëmije. Me ndihmën tuaj, ne mund të bëjmë më shumë në të gjithë botën për të mbështetur të ardhmën tonë. UNICEF faleminderit./Lajmi.net/