Lajme

Lufta në Izrael, Selena Gomez merr pushim nga rrjetet sociale: Ndihem e sëmurë

Aktorja dhe këngëtarja me famë botërore, Selena Gomez ka njoftuar se do të marrë një “pushim” nga rrjetet sociale.

Ajo me anë të një postimi në orët e para të mëngjesit shkruan se do të largohet për një kohë nga rrjetet sociale për shkak të postimeve të dhunës dhe terrorit në botë.

Aktorja 31-vjeçare, shkoi në Instagram se është tmerruar javët e fundit nga titujt e lajmeve nga e gjithë bota dhe se do të largojë veten nga mediat sociale për një kohë.

TS Poll - Loading poll ...

“Do të bëj një pushim nga mediat sociale sepse zemra më thyhet kur shoh gjithë tmerrin, urrejtjen, dhunën dhe terrorin që po ndodh në botë. Njerëzit që torturohen dhe vriten ose çdo akt urrejtjeje ndaj çdo grupi është i tmerrshëm. Ne duhet të mbrojmë të gjithë njerëzit, veçanërisht fëmijët dhe të ndalojmë dhunën përgjithmonë.

Më vjen keq nëse fjalët e mia nuk do të jenë kurrë të mjaftueshme. Thjesht nuk mund të duroj që njerëzit e pafajshëm të lëndohen. Kjo është ajo që më bën të sëmurem,” shkruan Selena në postimin e saj.

Ky reagim i aktores vjen pasi fansat e saj ishin të shqetësuar për mungesën e saj në rrjetet sociale, pasi postimi i fundit i bërë nga këngëtarja ishte më 7 tetor.

Gomez me sa duket i referohet luftës së vazhdueshme në Lindjen e Mesme midis Izraelit dhe Hamasit dhe raporton se mijëra palestinezë dhe izraelitë janë vrarë në konflikt që nga fillimi i tetorit. Sipas Save the Children , më shumë se 3,257 fëmijë janë raportuar të vrarë në tre javë që nga shpërthimi i luftimeve më 7 tetor.