Një lojë plot emocione dhe tensione ishte kjo e mbrëmjes së sotme mes Tiranës dhe Partizanit në derbin e kryeqytetit e cila u zhvillua në “Air Albania”. Ndonëse u bë një lojë e bukur, të pakta ishin rastet për t’u shënuar, pasi të dyja skuadrat ishin më të kujdesshme për të mos pësuar.
Rezultati në fund të ndeshjes ishte 1-1, rezultat i cili solli pakënaqësi nga tifozëria e skuadrave të cilët prisnin fitoren e skuadrës së tyre të zemrës.
Ashtu si dhe pritej tifozët pas ndeshjes kanë shkaktuar tensionet në ambientet e stadiumit “Air Albania”. Tifozët e bardhebluve dhe Partizanit janë përplasur me njëri-tjetrin, gje e cila ka sjellë dhe ndërhyrjen e menjëhershme të forcave të FNSH.
Nga pamjet e publikuara nga mediat shihen stola të thyer, ndërsa tifozët sulmojnë kundërshtarët me sende të forta.
