Është normale që jo të gjithë bien dakord me mendimet apo zgjedhjet tuaja. Ju mund të keni një debat me një familjar/e tuajën, me një mik/e apo koleg/e, por në varësi të personit që keni përballë, çdo situatë mund të shkojë drejt zgjidhjes, ose e kundërta. Ka disa njerëz që janë të lindur për të shkaktuar drama, pasi ky është një tipar i shkruar në yje për ta.
Binjakët
Truri i Binjakëve është në punë gjatë gjithë kohës! E ndërsa shenja të tjera janë më modeste dhe më të prirura për t’i trajtuar të tjerët me respekt, Binjakët kanë sensin e protagonizmit në çdo situatë, gjë që u kthehet kundër me kalimin e kohës.
Binjakëve u pëlqen që të përhapin sekretet e të gjithëve dhe ky është një tipar që u shkon atyre. Nga njëra anë, ata duan të dëgjojnë sekretet tuaja dhe do t’ju mbështesin në periudha të vështira, por nga ana tjetër ata mezi presin që t’i ndajnë gjërat tuaja me të tjerët. Për ta thënë hapur, shumë tipare të personalitetit të tyre janë një qasje drejt kaosit.
Luani
Kur një Luan nuk po tërheq vëmendjen e të tjerëve, ai mund të bëjë gjëra të vogla për t’i kthyer kësisoj të gjithë drejt tij. Ky është një zakon që mund të krijojë tension, madje dhe situata xhelozie.
Të lindurit e kësaj shenje marrin vëmendjen kudo dhe janë të aftë të kontrollojnë me çdo mjet çdo situatë, edhe nëse kjo do të thotë nisje e një debati apo tensioni. Nëse ata vendosin që të mos e pëlqejnë dikë në grupin e shoqërisë, ata do të flasin pas shpine dhe do të krijojnë situata deri sa ta heqin fare nga rrezja e tyre e interesit.
Virgjëresha
Virgjëreshat janë shumë të organizuara dhe të orientuara drejt detajeve, që do të thotë se ato mund të gjykojnë paksa të tjerët për mënyrën se si i bëjnë gjërat. Kjo shenjë shpesh beson se mënyra e saj është mënyra më e mirë dhe e vetme dhe kjo e bën goxha egoiste.
Të lindurit e kësaj shenje e teprojnë kur bëhet fjalë për dhënien e këshillave për jetën dhe kjo i bën ata të duken të pasjellshëm ose mospërfillës në situata të tjera që njerëzit u japin rëndësi. Por, nëse kaosi apo dramat janë pjesë e skenarëve për të dalë gjithmonë në qëllimin apo misionin e tyre, atëherë Virgjëreshat do dinë si ta sjellin çdo situatë në favorin e tyre.
