Ministri i Kulturës, Rinisë dhe Sportit, Hajrulla Çeku, përmes një postimi në facebook ka njoftuar se ditën e sotme ka takuar këngëtaren e njohur, Shkurte Fejza.
Çeku shkroi se në vitin që po vjen, pra viti 2024, Fejza mbush gjysmë shekulli karrierë në muzikën popullore.
Ai gjithashtu shtoi se kanë diskutuar për bashkëpunim në mënyrë që ta shënojnë sa më dinjitetshëm 50 vjetorin e karrierës së saj.
“E madhja e skenës muzikore shqiptare, Shkurte Fejza, vitin që vjen mbush 50 vjet karrierë e kontribut në muzikën popullore. Pata nderin e veçantë ta takoj në zyrën time ku diskutuam për bashkëpunimin që na pret për ta shënuar sa më dinjitetshëm gjysmë shekulli veprimtari muzikore dhe atdhetare. I urova shëndet, jetë të gjatë dhe vazhdimësi të punës artistike”, shkroi Çeku
