Duket se nuk ka një formulë magjike për dashurinë e vërtetë, por disa sjellje të përditshme mund të ndikojnë direkt në jetëgjatësinë e një romance. Janë 8 gjeste të cilat mund të bëni për të forcuar lidhjen.
-Përqafoni shpesh – Studimet e fundit, si një nga “Kinsey Institute” në “Indiana University” tregon se sa më shpesh që të përqafohen çiftet, aq më shumë zgjat lidhja e tyre.
-Tregoni admirim për partnerin/en tuaj – Mos hezitoni të komplimentoni njeriun e zemrës, edhe për gjërat më të vogla sepse kjo është një shenjë e vërtetë dashurie.
-Kushtojini vëmendje interesave të përbashkëta – Kjo forcon lidhjet dhe kohën e kaluar së bashku.
-Përdorni një gjuhë të ëmbël çdo ditë – Me kalimin e kohës, pasioni mund të zbehet në një marrëdhënie. Ta mbash atë gjallë me përkëdhelje apo fjalë vlerësuese herë pas here është gjithmonë e dobishme.
-Shkoni të flini në të njëjtën kohë – Pas një dite të gjatë, çfarë ka më mirë se të bini në gjumë pranë të dashurit/ës suaj?
-Jini pozitivë në çdo situatë – Më e lehtë është të thuhet se sa të bëhet. Por nëse dashuria mbizotëron, edhe gjatë grindjeve dhe periudhave të vështira, kjo tregon se marrëdhënia juaj është e fortë.
-Besoni të njëri-tjetri – Besimi është themeli i një marrëdhënieje! Ky është një tregues që ju ndiheni rehat pranë partnerit/es suaj, pa pasur frikë të shprehni ndjenjat tuaja.
-Bëjeni çdo ditë të veçantë për marrëdhënien tuaj – Përveç këtyre praktikave të përditshme, integrimi i disa ritualeve mund të jetë i dobishëm. Një prej tyre mund të jetë gjetja e kohës më të përshtatshme për të kaluar kohë vetëm ju të dy bashkë, larg njerëzve dhe çdo angazhimi tjetër.
