Stresi dhe Noizy bënë bujë ditë më parë duke hequr njëri-tjetrin nga Instagrami e duke hedh kunja publikisht.
Kjo erdhi papritur pas një kohe që reperët kishin rregulluar raportet dhe pritej publikimi i bashkëpunimit të tyre.
Por ashtu siç edhe kishte dyshime, doli të jetë një rreng dhe arsyen pse e sqaroi vetë Stresi.
Në një intervistë për “Mos i bjer me top”, ai u shpreh se e bënë këtë lojë për të parë se kujt do i bëhej qejfi për prishjen e marrëdhënies mes tyre e kujt jo, prandaj u përpoqën ta bënin më të besueshme.
Madje Stresi tregon se shumë familjarë e kanë telefonuar pasi ishin mërzitur nga kjo ngjarje.
Stresi: Kjo është bërë për të parë reaksionin e njerëzve. Sepse njerëzit nëse të duan realisht të mirën nga ky bashkëpunim apo nga kjo që na ka ndodhur neve, njerëzit do mërziteshin shumë nga kjo rreng. Ne kemi dashur të nxjerrim ato mbeturinat që sjell deti në sipërfaqe. Kemi dashur të shohim njerëzit që i bëhet qejfi si në publik dhe brenda nesh. Ishte ideja e të dyve.
Ronaldo Sharka: Shumë fansa u mërzitën.
Stresi: Janë merakosur shumë, të shtëpisë mua më kanë marrë në telefon, më kanë marrë miq të ngushtë, edhe Noizyn e kanë marrë shumë njerëz, shumë shokë.
Erjola Doci: E keni mbajtur lojën me njerëzit e afërt?
Stresi: E kemi mbajtur me të gjithë lojën deri diku, sepse një rreng ashtu duhet të mbahet.
