Një nga çiftet më të preferuar të Hollivudit është George dhe Amal Clooney. Ajo është një avokate e të drejtave të njeriut dhe ikonë e stilit, ai është një nga aktorët më të dashur për publikun mbarë botëror.
I kemi parë së bashku në shumë raste, që nga tapeti i kuq i çmimeve Oscar e deri tek ata të Festivalit të Filmit në Venecia. Por, pavarësisht pranisë së tyre publike, ajo që e karakterizon historinë e tyre të dashurisë është padyshim vendosmëria e tyre për ta mbajtur lidhjen larg vëmendjes.
Historia e dashurisë mes George dhe Amal filloi në një kontekst unik, kur ata u takuan në liqenin e Comos gjatë një darke me miqtë e përbashkët. Kimia mes të dyve ishte e menjëhershme, por të dy e dinin se, duke pasur parasysh famën e tyre, çdo hap që do të hidhnin së bashku do të ishte nën vëzhgimin e publikut.
Në një intervistë të fundit, Amal, 46 vjeç, rrëfeu se kishte organizuar një darkë private në një restorant ekskluziv në Londër. Që nga ai moment, ajo dhe aktori filluan të shiheshin rregullisht ’çdo ditë në mënyrë diskrete”, larg fotografëve dhe syve kureshtarë.
Deri më sot, 10 vjet pas dasmës së tyre ikonë në Venecia, të dy e kanë mbajtur private jetën e tyre private, duke shmangur ekspozimin ndaj ngjarjeve sociale, përveç rasteve të punës.
“Unë kam për qëllim të mbroj familjen time, nuk dua që paparacët të bëjnë foto të fëmijëve të mi”, tha George Clooney në një intervistë, duke shpjeguar se si të dy janë të vendosur të garantojnë privatësinë e binjakëve të tyre, Alexander dhe Ella.
bal
