3
Gjermania mbajti sot zgjedhjet e parakohshme për Bundestagun, ku sipas rezulateve të deri më tani Friedrich Merz, është në pozicion të mirë për t’u bërë kancelari i ardhshëm.
Kryetari i LDK-së, Lumir Abdixhiku, ka reaguar në lidhje me fitoren e CDU-së në zgjedhje, ku shtoi se kjo është ditë e rëndësishme për Gjermani ndërsa një mundësi e re për Kosovën.
“Ditë e rëndësishme për Gjermaninë, mundësi e re për Kosovën. Fitorja e Friedrich Merz dhe e CDU-së, është një dritare e re për Republikën tonë.
Kam përcjellë që sonte urimet për z. Merz dhe miqtë tanë në CDU. Në çdo takim të deritanishëm me kancelarin e ardhshëm gjerman, kam marrë gjtihmonë mbështetje për Republikën tonë, për Lidhjen Demokratike të Kosovës. Ai i njeh mirë rrugëtimet tona, ai i mbështetë mirë qëllimet tona”, ka shkruar Abdixhiku.
Ndërsa, shtoi se fitorja e CDU-së është fuqizim i së djathtës evropiane, mbetet shpresë për vendin tonë.
