Kreu i Lidhjes Demokratike të Kosovës [LDK], Lumir Abdixhiku ka njoftuar se drejtori i Investimeve Kapitale në Prishtinë, Krenar Xhaferi, do të jetë kandidat për deputet në zgjedhjet e ardhshme.
Gjatë ceremonisë së fillimit të punimeve të ishullit urban Arbëri – Pallat i Rinisë, pjesëmarrës ishte edhe kryetari i LDK-së, ku edhe e prezantoi kandidaturën e Xhaferit për deputet nga radhët e LDK-së.
Pos përgëzimeve që pati për kryetarin e kryeqytetit, Përparim Ramën, Abdixhiku shfrytëzoi rastin të “huazojë” Xhaferin për listën e LDK-së për deputetë.
“…Mos të harrojmë të falënderojmë Krenarin, drejtorin e mrekullueshëm, të cilin do ta huazojmë për garën e ardhshme nacionale në zgjedhjet e 9 shkurtit, si kandidat për deputet”, deklaroi Abdixhiku.
Vlen të theksohet se zgjedhjet e përgjithshme do të zhvillohen me 9 shkurt të 2025-s. Ndërsa me 24 tetor është prezantuar edhe fituesi i BigBrother II, Lumbardh Salihu si kandidat për deputet nga radhët e LDK-së.
