Një 29-vjeçar nga Shqipëria është plagosur rëndë pas një aksidenti me motor në aksin rrugor Gostivar-Kërçovë, në Maqedoninë e Veriut.
Ngjarja është raportuar mëngjesin e 9 gushtit, rreth orës 08:10, kur policia e Gostivarit është njoftuar nga Qendra e Urgjencës për mbërritjen e të riut me lëndime të rënda trupore.
Sipas autoriteteve, 29-vjeçari O.Q., i cili qëndron përkohësisht në fshatin Mavrovë, po drejtonte një motoçikletë tip “Yamaha” me targa të Gostivarit.
NEWS Sportisti David Nikolli tha se u pushua nga puna pas protestës, reagon menjëherë MinistriaAksidenti ka ndodhur pranë një guroreje, ku i riu dyshohet se ka humbur kontrollin mbi motorin dhe është rrëzuar në rrugë.
Një ekip i policisë së Gostivarit ka kryer këqyrjen e vendit të ngjarjes, ndërsa vijojnë veprimet për zbardhjen e plotë të rrethanave të aksidentit./Top Channel
