Pas konstatimit të alkoolit prej 1 promile në gjak, prokurori ka urdhëruar testimin e gjakut dhe urinës. Pastaj asaj i është konfiskuar leja e drejtimit të automjetit.
Rreth orës 06:15, një grua e re, po lëvizte me makinën e saj nëHerrenhof, në rrugën kryesore nga fshati Zuben në drejtim të atij Langrickenbach.
Sipas gjetjeve paraprake të Policisë Kantonale të Thurgaut, ajo ka humbur kontrollin mbi automjetin e saj në kthesën e djathtë teksa hynte në qendër të lokalitetit dhe kështu ka dalë nga rruga, transmeton albinfo.ch. Automjeti është përplasur me një sistem matës të nivelit të ujit, është rrokullisur dhe ka mbetur në çati.
27-vjeçarja ka pësuar lëndime të lehta deri në të mesme dhe është dashur të dërgohet në spital nga shërbimet e urgjencës, shkruan polizei-schweiz.ch. Dëmi pasuror shkon në disa mijëra franga.
Shërbimet e urgjencës i kanë bërë testin e alkoolit të frymëmarrjes kosovares, i cili ka treguar vlerën rreth 0.50 mg/l (1 promilë), përcjell albinfo.ch. Prokurori publik i Kreuzlingenit urdhëroi marrjen e mostrës së gjakut dhe urinës. Pastaj asaj i është konfiskuar leja e drejtimit të automjetit nga Zyra e Qarkullimit Rrugor.
Shkaku i saktë i aksidentit po sqarohet nga Policia Kantonale e Thurgaut.
Foto: Kapo Thurgau
