2
Ljubomir Filipoviç, analist malazez, njofton se ka bërë testin “23andMe”, që nënkupton testimin gjenetik të ADN-së për shëndetin, prejardhjen dhe më shumë. Rezultatet i ka bërë të ditura në rrjetin e tij në “X”, duke thënë se nga ana atërore e mban gjenin më të përhapur tek shqiptarët në Veri të Shqipërisë dhe në Kosovë.
Ndërsa, nga ana e tij amtarë thotë se ka orgjinë greke.
“Duket sikur jam një përzierje 100% ballkanike e prejardhjes iliro-trake-greke. Asnjë gjurmë e origjinës sllave”, shkruan analisti Filipoviç, transmeton Express.
Postimi i tij i plotë:
Nga kurioziteti i pastër, e bëra “23andMe” dhe nuk kishte surpriza. Nga ana atërore, unë mbaj gjenin më të përhapur tek shqiptarët në veri të Shqipërisë dhe në Kosovë. Duke pasur parasysh origjinën e debatuar të paraardhësit mitologjik të fisit tim, Bijeli Pavle (Pal Bardhi), nga rajoni i Dukagjinit në Kosovë, gjithçka ka kuptim. Nga ana ime amtare, unë jam me origjinë greke, diçka për të cilën familja serbe e nënës sime e dinte gjithmonë.
Duket sikur jam një përzierje 100% ballkanike e prejardhjes iliro-trake-greke. Asnjë gjurmë e origjinës sllave.
Analizat gjenetike duhet të na bëjnë sërish të vetëdijshëm se kombet dhe identitetet janë konstruksione. Nëse gjenetika (gjaku) do të ishte faktori përcaktues i përkatësisë etnike, unë nuk do të kisha pasur kurrë një emër sllav apo të flisja një gjuhë sllave. Paraardhësit e mi, si paraardhësit e shumë të tjerëve, kaluan valë dhe valë asimilimi dhe shpërnguljeje.
Tani imagjinoni sa qesharake është kur dikush më pyet: “Kush ishte gjyshi yt?” në përpjekje për të vërtetuar se nuk ekziston diçka e tillë si kombi/etnia malazeze.
Përsëri: Kombet nuk kanë lidhje me gjakun dhe tokën; dhe ata kanë të bëjnë gjithçka me ndjenjën e përkatësisë.
