Zhvillime të reja dalin lidhur me djegien e makinës së influencerit, Kozak Braçi.
Policia bën me dije se ka arrestuar dy autorët që i vunë zjarr “Mercedesit” të Kozakut më dy dhjetor të këtij viti. Ndërsa ka shpallur në kërkim bashkëpunëtorin e tyre dhe personin që porositi djegien e makinës.
Sipas policisë porositësi që urdhëroi djegien e makinës së Kozakut është reperi Kleviol Ahmetaj, 37 vjeç.
Kleviol Ahmetaj i njohur ndryshe si Cllevio Serbiano njihet për debatet e shumta që ka pasur me Kozakun në Tik Tok.
LEXO EDHE: PAMJET: Shkrumbohet Mercedesi 50,000 euro i Kozak Braçit, Policia në vendngjarje
Nga veprimet hetimore të kryera nga Policia ka rezultuar se shtetasi Kleviol Ahmetaj ka paguar shumën 1500€ për të djegur makinën e Kozakut, ndërsa dy të arrestuarit, së bashku me shtetasin E. N., kanë siguruar kushtet, dhe në bashkëpunim me njëri-tjetrin, kanë djegur automjetin.
Gjithashtu policia bën me dije se ka sekuestruar veshjet që autorët e dyshuar kanë përdorur gjatë ngjarjes, dhe automjetin me të cilin janë larguar.
Të arrestuarit janë shtetasit: D. L., 40 vjeç, dhe M. L., 18 vjeç, të dy banues në Vlorë.
Njoftimi i policisë Tiranë
Dogjën një automjet, kundrejt një shume parash, identifikohen dhe vihen në pranga dy autorët e dyshuar. Njëri prej tyre, i arrestuar dhe më parë për të njëjtën veprimtari kriminale.
Shpallet në kërkim bashkëpunëtori i tyre, si dhe një 37-vjeçar që porositi djegien e automjetit.
Sekuestrohen veshjet që autorët e dyshuar kanë përdorur gjatë ngjarjes, dhe automjeti me të cilin janë larguar.
Shërbimet e Komisariatit të Policisë Nr. 4, në vijim të punës për zbardhjen e rrethanave të ngjarjes së ndodhur më datë 02.12.2023, ku në Allias, është djegur automjeti i shtetasit K. B., kanë thelluar veprimet hetimore, për sqarimin e rrethanave dhe vënien përpara përgjegjësisë ligjore të autorëve të dyshuar.
Në lidhje me këtë rast u bë dokumentimi i plotë ligjor i ngjarjes, identifikimi, kapja dhe arrestimi i dy prej autorëve të dyshuar, shtetasve D. L., 40 vjeç, dhe M. L., 18 vjeç, të dy banues në Vlorë.
Gjithashtu u shpall në kërkim bashkëpunëtori i tyre, shtetasi E. N., 24 vjeç, banues në Vlorë, dhe porositësi i djegies së automjetit, shtetasi K. A., 37 vjeç, banues në Lushnjë.
Nga veprimet hetimore të kryera ka rezultuar se shtetasi K. A., ka paguar shumën 1500€ për të djegur automjetin e shtetasit K. B., ndërsa dy të arrestuarit, së bashku me shtetasin E. N., kanë siguruar kushtet, dhe në bashkëpunim me njëri-tjetrin, kanë djegur automjetin.
Nga verifikimet e kryera ka rezultuar se shtetasi M. L., është arrestuar dhe më parë, për të njëjtën veprimtari kriminale.
Në cilësinë e provës materiale u sekuestruan veshjet që autorët e dyshuar kanë përdorur gjatë ngjarjes, si dhe automjeti me të cilin janë larguar.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
A ju ndihmoi ky artikull?PoJo
