Një ish-infermiere e kujdesit intensiv pediatrik ka dhënë një këshillë të rëndësishme që mund t’i shpëtojë jetën fëmijës tuaj në rast të një djegieje të rëndë.
E shqetësuar për atë që ajo beson se është një mungesë e gjerë e njohurive se çfarë duhet bërë nëse një fëmijë digjet, Becky Giunta shfrytëzoi profilin e saj në TikTok për të ndarë këshilla.
“Do të ndaj me ju diçka që do ta shpëtojë jetën e fëmijës suaj. Mungesa e njohurive që njerëzit kanë se çfarë të bëjnë nëse një fëmijë digjet është befasuese”, është shprehur ajo.
Tutje ka theksuar se djegiet më të shpeshta që i ka trajtuar kanë qenë nga çajet, kafeja dhe petët. Këtë e ka përjetuar vetë si nënë, kur djali i saj 18 muajsh e kishte derdhur çajin mbi veten.
“Ishte ujë i pastër valë, pa qumësht. Unë po qëndroja pranë tij. Nuk e mendoja se kjo do të ndodhte”, ka treguar duke thënë se aksidente si ky ende ndodhin, pavarësisht se është e ndërgjegjshme si prind për sigurinë.
Produkti për lëkurën që duhet ta shmangni nëse keni djegie
Lexo po ashtu
Produkti për lëkurën që duhet ta shmangni nëse keni djegie
“Unë kam qenë infermiere e regjistruar, kam punuar në repartin e terapisë intensive pediatrike, kam parë gjithçka. Jam shumë e sigurt me fëmijën tim, megjithatë kjo më ka ndodhur”, është shprehur infermierja duke treguar se çfarë bëri – dhe çfarë duhet të bëni nëse ju ose fëmija juaj digjet.
This will save your childs life !!!!! #thiswillsaveyourlife #saveachildslife #medicalknowledge #burns #burnsurvivor #burnsfirstaid #firstaid #burnsrecovery #knowledgeispower #education #registerednurse #traumatic #kids #helpingkids
Sipas saj, gjëja e parë që duhet të bëni është të telefononi shërbimet emergjente. Më pas duhet t’ia hiqni të gjitha rrobat e fëmijës suaj, ta zhvishni lakuriq dhe ta vendosni në dush ose nën një rrjedhë të vazhdueshme të ujit të ftohtë për të paktën 20 minuta.
