
4
Kryetari i Partisë Demokratike, Sali Berisha i ka shprehur ngushëlimmet familjes së artistes së madhe Margarita Xhepa, e cila u nda nga jeta ditën e sotme në moshë 91-vjeçare.
Në nisje të konferencës me gazetarët, Berisha mbajti një minutë heshtje. Ai e cilësoi Margarita Xhepën një artiste të papërsëritshme që shndriti në dhjetëra dhe qindra role në skenën e teatrit dhe në film.
Homazhet për Margarita Xhepën, aktorja e madhe do të përcillet nesër për në banesën e fundit
Berisha: Dua të shpreh ngushëllimet e mia për të ndjera familjes Xhepa, miqve, bashkëpunëtorëve dhe të gjithë artdashësve të Shqipërisë, pasi sot u nda nga jeta artistja më përfaqësuese e skenës shqiptare në disa dekada, Margarita Xhepa.
Margarita Xhepa është një artistë e papërsëritshme që shndriti në dhjetëra dhe qindra role në skenën e teatrit dhe në film. Me një talent të rrallë. Me një forcë interpretimi të jashtëzakonshëm. Ajo mbeti gjithnjë një nga artistet më të dashura, më të çmuara të Shqipërisë.
Ndaj me këtë rast, duke ndarë dhimbjen dhe zinë me familjen Xhepa, me të gjithë miqtë dhe të afërmit e të ndjerës Margarita Xhepa, me të gjithë artdashësit që e kanë dashur, vlerësuar dhe çmuar kaq shumë, ju ftoj të mbajmë një minutë heshtje në nderim të kujtimit të saj.