Tash e pesë vite ajo jeton dhe punon normalisht.
Por rruga deri këtu për Ajete Nishliun nga Mitroivca nuk qe e lehtë.
Në marsin e vitit 2021, ajo u diagnostifikua me kancer të gjirit.
Lodhja, dhimbja e kraharorit dhe disa simptoma të tjera, bën që ajo të dyshoj se diçka nuk po shkon si duhet me shëndetin e saj.
“Isha duke qëndru në shtëpi e instikitivisht më shkoi dora e preka gjirin edhe e pash aty një pjesë si një arrë nuk dhimbte nuk kishte ndonjë simptomë. Kisha edhe disa herpesë që më dhimbni e aty duke qëndruar deshti Zoti, e thash do të shkojë do të vizitohem, nuk i tregova askujt në shtëpi, kam burrin dhe dy vajzat, por shkova vet. Ishte tre marsi, ishte një kohë e ftoftë, për mua ishte kohë e rëndë. E më detyruan me shkuar në QKUK, për të cilën e falënderojë shumë QKUK-në. E bëra biopsinë, kur e bërë doli kanceri i gjirit stadi i parë kah i dyti, e vendosa menjëherë më u operuar.”, ka thënë Nishliu.
Për Nishliun, faza pas operimit nuk ishte e lehtë.
Por, pavarësisht kimioterapive dhe rrezatimeve ajo nuk u dorëzua.
“Pas u operova, pas një muaj e gjysmë u lajmërova te dr. Ilir Kurtishi onkologu. Dr. Iliri qysh në fillim më tha do ta bombardojmë tha, nuk është shumë e madhe në centimetra, por do të bombardojmë. Më i dha tetë kimioterapi e tridhjetë rrezatime. E unë, qesha me të, i thash më the që nuk është e madhe e më bombardove, më tha do ta mbysim krejt hiç mos ki dert. E nga aty fillova me kimioterapi që nuk ishin të lehta fare”, u shpreh tutje Nishliu.
Nishliu thotë se besimi në Zot ia bëri më të lehtë këtë fazë tejet të rëndë për të dhe familjen.
“Kisha momente kur isha në krizë, mirëpo rrethi që e kam pasur më ka bërë me u ndje mirë edhe me buzëqesh, vazhdimisht kam buzëqeshur, lotin shumë pak e gati hic nuk ma ka parë askush. Kam besuar në Zot”, theksoj Nishliu.
Përballja me kancer e bëri Ajeten një grua edhe më të fortë seç ishte.
“Kjo situatë e imja më ka ndryshuar jetën. Përpara çdo gjë tjetër ka qenë prioritare përveç vetës sime, tash është e kundërta sepse kur e provon një gjë të tillë, një sfidë të tillë atëherë vetëdijesohesh. Mirëpo, unë them vetëdijesohuni para se me ndodhë e me i kaluar krejt këto sfida”, ka përfunduar Nishliu.
Në ditën botërore të kancerit, Nishliu ka një mesazh për të gjitha vajzat dhe gratë.
Në Kosovë, përgjatë vitit 2025 janë regjistruar 2 mijë e 50 raste me kancer.
Kanceri i gjirit është më i përhapuri me 465 raste, dhe pasohet nga ai i mushkërive me mbi 280 raste.
