Nëse Bill Gates do të takonte një udhëtar në kohë nga viti 2100, pyetja e parë që do t’i bënte nuk do të ishte në lidhje me familjen e tij ose çmimin e aksioneve të Microsoft.
Në vend të kësaj, ai do të pyeste: “A po lulëzojnë njerëzit?
Në fund, gjithçka matet përmes mirëqenies njerëzore”, tha Gates në episodin më të fundit të podcast-it të tij, “Unconfuse Me”.
Përgjigjen e dha në një podcast me Hannah Ritchie, libri i së cilës “Jo fundi i botës” ofron një pamje optimiste se si bota mund të fitojë betejën e saj kundër ndryshimit të klimës.
Gates i kërkoi Ritchie-t “pyetjet kryesore” të saj për t’i bërë një udhëtari në kohë nga e ardhmja. Përgjigja e saj ishte: “Sa përqind e popullsisë së botës mund të jetojë me 20 dollarë në ditë në vitin 2100? Përgjigja do të zbulonte shumë pak për normat e varfërisë në të ardhmen, dhe nëse ne kemi bërë përparim në shëndetësi, bujqësi dhe si është situata me varfërinë,” tha Ritchie.
Aktualisht, më shumë se 9% e botës – mbi 700 milionë njerëz – duhet të jetojnë me më pak se 2.15 dollarë në ditë, një nivel që tregon varfëri ekstreme, sipas Bankës Botërore.
“Nëse një pjesë e konsiderueshme e njerëzve jetojnë me më shumë se 20 dollarë në ditë deri në vitin 2100, veçanërisht në vendet me të ardhura më të ulëta, kjo do të ishte një arritje e mahnitshme”, tha Ritchie.
Po ti çfarë pyetjeje do t’i bëje nëse do ta takoje një udhëtar në kohë?
/tiranapost
