6
Këngëtari Justin Bieber po bën sërish bujë, por këtë herë jo me fotot ku dyshohej për drogë, por me pamjen e tij.
Në fotot e fundit të paparacëve, linja e flokëve të tij bie në sy. A ka bërë kanadezi një transplant flokësh?
“Absolutisht,” thotë Giuliano Lenz, drejtor menaxhues i Klinikës Gentlemen’s në Cyrih, e cila gjithashtu ofron procedurën. Ka mjaft krahasime para dhe pas për ta vërtetuar këtë.
“Paraqitja e tij ishte ndryshe disa vite më parë. Ai është gjithashtu në rangun tipik të moshës midis 25 dhe 35 në të cilën meshkujt fillojnë të humbasin flokët e tyre”, shpjegon ai për 20 Minuten.
Ajo që flet për një transplant, përveç fotove, është edhe fakti që Justin kishte flokë të shkurtër për një kohë të gjatë. “Kjo është një shenjë tipike mes të famshmëve. Kohët e fundit ka veshur shumë edhe mbulesa koke, ndoshta për të fshehur procesin e shërimit”, tha pronari i klinikës së bukurisë për meshkuj.
Ndonjëherë flokët janë më të hollë në zonën ku janë hequr. Megjithatë, ky është rasti vetëm për rreth një vit pas procedurës.
