Çmimet globale të naftës u rritën ndërsa Irani vazhdon me sulme në të gjithë Lindjen e Mesme si hakmarrje ndaj SHBA-së dhe Izraelit.
Nafta e papërpunuar Brent, pika referuese globale për çmimet e naftës, u rrit me 10% duke arritur në më shumë se 82 dollarë për fuqi të hënën përpara se të ulej pasi të paktën tre anije u sulmuan pranë Ngushticës së Hormuzit në fundjavë.
Irani ka paralajmëruar anijet të mos kalojnë nëpër rrugën ujore vendimtare në jug të vendit, përmes së cilës transportohet rreth 20% e naftës dhe gazit botëror.
Në Londër, indeksi i tregut të aksioneve FTSE 100 u hap me gati 1% rënie, me linjat ajrore që panë çmimet e aksioneve të tyre të binin pasi hapësira ajrore u mbyll në të gjithë Lindjen e Mesme.
Transporti ndërkombëtar detar pothuajse ka ngecur në hyrje të Ngushticës së Hormuzit, me analistët që paralajmërojnë se një konflikt i zgjatur mund t’i rrisë çmimet e energjisë edhe më shumë.
Qendra e Operacioneve Tregtare Detare e Mbretërisë së Bashkuar (UKMTO) tha se dy anije ishin goditur.
Pas rritjes fillestare, nafta e papërpunuar Brent ra përsëri në 79 dollarë për fuqi, ndërsa nafta e tregtuar në SHBA u rrit me rreth 7.6% në 72.20 dollarë.
“Tregu nuk është në panik”, tha për BBC-në Saul Kavonic, kreu i kërkimit të energjisë në MST Marquee.
“Ka më shumë qartësi se deri më tani, infrastruktura e transportit dhe prodhimit të naftës nuk ka qenë një objektiv kryesor nga asnjëra palë”, shtoi ai.
Por disa analistë kanë paralajmëruar se mund të kalojë 100 dollarë në rast të një konflikti të zgjatur, i cili mund të ketë një efekt të mëtejshëm në inflacion dhe normat e interesit.
