Reperi me famë botërore, Drake ka përmenduar dhe folur përsëri për Shqipërinë, disa ditë pas publikimit të videoklipit në të cilin mban veshur një xhaketë të kuqe me shqiponjën e zezë në shpinë.
Shqipëria është në listën e destinacioneve që Drake mund të vizitojë në vitin e ardhshëm, dhe këtë e ka thënë vetë reperi.
Në Kick.com në një moment gjatë transmetimit, bashkë-prezantuesi i Drake e pyeti se ku ka menduar të udhëtojë për vitin e ardhshëm, ndërsa reperi përmend disa vende.
“Unë do të udhëtoj në disa vende evropiane. Mendoj se do të shkoj në turne në Evropë, por përsëri kjo është për punë.”
Më pas Drake shton se një nga vendet ku s’ka shkuar asnjëherë dhe do donte të vizitonte ishte dhe Shqipëria.
“Nuk kam qenë kurrë në shumë vende. Nuk kam qenë kurrë në Itali, kurrë në Tokio, kurrë në Shqipëri”, – tha Drake.
A ju ndihmoi ky artikull?PoJo
