Një person është arrestuar të mërkurën në Fushë Kosovë, ndërsa një tjetër është shpallur në kërkim policor, nën dyshimin për posedim të substancave narkotike.
Sipas raportit 24-orësh të Policisë së Kosovës, gjatë kontrollit të dy personave të dyshuar janë gjetur dhe sekuestruar sasi të kokainës dhe marihuanës.
“Janë gjetur dhe sekuestruar 293.8 gramë substancë narkotike e llojit kokainë, 241.6 gramë substancë narkotike e llojit marihuanë, tri peshore digjitale, një karikator dhe dy fishekë”, thuhet në raportin 24 orësh të Policisë.
Me vendim të prokurorit, njëri nga të dyshuarit është dërguar në mbajtje, ndërsa i dyshuari tjetër vazhdon të jetë në kërkim policor.
