1
Nga aplikimi në lëkurë të thatë te renditja e gabuar me kremin, këto janë arsyet pse edhe serumi më i mirë mund të mos funksionojë fare
Serumi është bërë një hap i domosdoshëm në kujdesin e lëkurës, por e vërteta është se shumica e përdorin gabim. Blejmë formula të mbushura me përbërës aktivë, presim rezultate të shpejta, pastaj i aplikojmë si krem dhe pyesim pse nuk ka efekt.
Problemi nuk është te serumi. Problemi është te mënyra si e vendosim në fytyrë.
Sepse serumi nuk është një shtresë tjetër. Ai është trajtim. Dhe nëse nuk e përdorni si të tillë, po hidhni kot edhe produktin, edhe pritjet.
Serumet janë preparate të përqendruara me molekula të vogla që mund të depërtojnë më thellë në lëkurë. Ndryshe nga kremrat që veprojnë në sipërfaqe, serumi shkon më thellë dhe për këtë arsye ka potencial të ndryshojë gjendjen e lëkurës, jo vetëm pamjen e saj.
Kjo do të thotë se mund të hidratojë, të qetësojë skuqjen, të barazojë tonin e lëkurës, madje edhe të zbusë shenjat e para të plakjes. Por vetëm nëse i jepni mundësinë të veprojë.
Nëse e aplikoni në lëkurë të thatë, të papërgatitur, ose e fërkoni në mënyrë agresive, efekti do të jetë minimal.
Serumi i duhur nuk është universal
Nuk ekziston një serum që është “për të gjithë”. Kjo është një tjetër keqkuptim i përhapur.
Lëkura e thatë ka nevojë për diçka që ruan lagështinë dhe forcon barrierën. Lëkura e yndyrshme ka nevojë për formulë të lehtë që nuk rëndon poret. Lëkura e ndjeshme ka nevojë për qetësi, jo për agresion. Ndërsa lëkura me pigmentime ka nevojë për përbërës që barazojnë tonin, por pa irritim.
E njëjta vlen edhe për anti-age. Jo çdo serum kundër rrudhave është i përshtatshëm për këdo. Lëkura duhet ta “pranojë”, përndryshe do të krijoni më shumë probleme sesa rezultate.
Ky është pjesa që shumica e anashkalojnë, por që bën diferencën më të madhe.
ks
