Ina Kollcaku, pas eleminimit nga programi “Dancing with the stars” ishte e ftuar në “Fan Club”, ku foli edhe për përplasjen me Valbona Selimllarin. Ajo u shpreh se nuk priste të merrte pikë të larta nga Valbona, pasi sipas saj ajo e shihte shtrembër në prapaskena.
Kësaj deklarate të Inës, anëtarja e jurisë i ktheu përgjigje ditën e djeshme në “Fan Club”.
Valbona u shpreh se përveç dashamirësisë për të dhe për të gjithë konkurrentët e tjerë, ajo nuk ka patur asgjë personale me Inën. E indinjuar, Selimllari u shpreh se Ina del dhe thotë se është në mbrojtje të grave, ama vetë atë e ofendoi, duke e quajtur më tej të papjekur.
Valbona tha se kishte për qëllim ta mbronte Inën pasi kjo e fundit hapi një debat që nuk i takonte, atë të përplasjes mes Eltionit dhe Ilirit. Më tej, përsa i përket pjesës se ajo e shihte shtrembër në prapaskenë, Valbona e mohoi duke thënë se ajo nuk sheh shtrembër as ata që i ka inat e jo më Inën me të cilën nuk ka patur asnjë gjë.
Fill pas intervistës së Selimllarit, nuk ka vonuar edhe përgjigjia e Inës, e cila përmes disa postimeve të bëra në profilin e saj të Instagramit, ka treguar se në fakt Valbonës i mungon koncepti i feminizmit dhe i ofezës.
“Unë jam në mbrojte të grave” do e thoshte një njeri neurotike! Neuroza e këtij Kompleksi nuk egziston te unë! Për shume vite me rradhë mundohem të qartësoj ata/ato që përtojnë të lexojnë se përse u krijuan lëvizjet feministe dhe cili ishte qëllimi. Po e bëj prap.
1. E drejta e votës
2. E dreja për pozicione drejtuese
3. Rrogë të njëjtë për të dyja gjinitë për të njëjtin pozicion
4. E drejta e abortit”.
Reagimet e Ina Kollcakut në InstaStory:
lokimagazine
