1
E vetmja gjë që çiftet e forta mendërisht nuk e bëjnë kurrë
“Gjuha e dashurisë” nuk është e njëjta për çifte të ndryshme, por shpesh terapistët për të krijuar marrëdhënie të shëndetshme, tregojnë mënyrat sesi një raport që të funksionojë mirë duhet që disa gjëra të jenë prioritet, e të tjera të mos bëhen kurrë.
Amy Morin, një psikoterapiste për çiftet, thotë se e vetmja gjë që çiftet e forta mendërisht nuk e bëjnë kurrë është: të përdorin emocionet e tyre si armë. Si duket ky zakon toksik?
Në një marrëdhënie të shëndetshme, të dy mund të shprehni ndjenjat duke respektuar njëri-tjetrin. Por disa njerëz përdorin emocionet për të manipuluar një situatë ose konflikt, ndonjëherë edhe pa e kuptuar.
Shumë njerëz i përdorin emocionet si armë thjesht sepse funksionojnë. Nëse partneri/ja juaj dëshiron të heqë dorë nga diçka, ai/ajo mund të thotë se është shumë i/e shqetësuar. Ose nëse dëshironi që partneri/ja të ndalojë së foluri, mund ta ngrini zërin.
Këto strategji mund të jenë mënyra efektive për të marrë atë që dëshironi. Por këto janë taktika të dëmshme. Në vend të kësaj, provoni këto strategji komunikimi:
-Merrni parasysh rregullat jozyrtare të shtëpisë. Jeni rehat me to? Nëse i/e dashura është i/e hapur për një diskutim, flisni për rregullat tuaja dhe nëse ka ndonjë gjë që ai/ajo dëshiron ta ndryshojë.
-Nëse një bisedë bëhet intensive, bëni pushim. Jepini partnerit/es kohë, por mos lejoni që sjellja e tij/saj të diktojë tuajën. Ndani sjelljen nga ndjenja.
-Nuk ka asnjë formulë shkencore për t’u ndjekur kur bëhet fjalë për marrjen e vendimeve në një marrëdhënie. Por është e rëndësishme të flisni hapur dhe sinqerisht për ndjenjat tuaja. Kujdes! Merrni parasysh të gjitha emocionet kur i trajtoni çështjet së bashku.
ks
