Kryeministri i Shqipërisë, Edi Rama
Kryeministri i Shqipërisë, Edi Rama ka zhvilluar një intervistë për median italiane Corriere Della Serra. Në këtë intervistë, ai ka treguar se e ka telefonuar drejtorin e Rai-t, Paolo Corsini për t’i kërkuar llogari për shpifjet e transmetuara në emisionin e tij, duke hedhur baltë kundrejt Shqipërisë.
Sipas Ramës, në diskutimin që ai ka zhvilluar me drejtorin, nuk ka protestuar dhe nuk ka i bërë presion televizionit, por i ka kërkuar atij që të tregohet i drejtë në atë që transmeton, pa censuruar palët e tjera, duke tentuar që të ulë imazhin e vendit të tij në rang kombëtar dhe ndërkombëtar. Ai thekson se është detyra e tij që të mbrojë vendin nga stereotipi i tmerrshëm i një epoke tjetër, të krijuar nga mediat në Itali për Shqipërinë dhe shqiptarët.
“Unë dua të sqaroj se nuk kam protestuar. Para se të fajësojnë natyrën e fjalës sime dhe skandalin mëe këtë media, miqtë e mi të dashur në opozitën në Itali duhet të interesohen për shkaqet dhe të përpiqen të kuptojnë se dinjiteti dhe transparenca janë të rëndësishme si kur flitet për shërbimin publik italian dhe kur bëhet fjalë për Institucionet publike shqiptare dhe personat që i përfaqësojnë ato. Unë nuk kam as mjete dhe as qëllim që të imponoj diçka në punët e brendshme të vendit tuaj. Megjithatë, unë kam për detyrë të mbroj timin nga stereotipi i tmerrshëm i një epoke tjetër, të krijuar nga mediat në Itali për Shqipërinë dhe shqiptarët”,- tha Rama në intervistë.
I pyetur në lidhje me rolin e Agaçit në hartimin e protokollit, Rama sqaron se ai ka kryer punën e tij, ashtu siç ka bërë me përgjigjet që i ka kthyer emisionit italian në pyetjet që i ka drejtuar, dhe të cilat nuk u transmetuan, madje mohuan që ai kishte dhënë përgjigje mbi çështjen që i ishte kërkuar.
“Ka pasur një furi joracionale ndaj Agaçit. Përtej dëmit, është tallja. Pasi censuruan pyetjet, të kërkuara nga programi ndaj sekretarit të përgjithshëm, edhe pse ai u përgjigj me email, ata vazhduan ta akuzonin se nuk kishte pranuar të përgjigjej. Ishte një akuzë shumë e rëndë për t’u gëlltitur në heshtje”,– tha Rama.
Kur pyetet nga gazetarët se nëse kishte folur me homologen e tij, Giorgia Melonin pas komunikimeve që ka pasur me drejtorin e televizionit shtëtëror italian, kryeministri është shprehur se nuk ka folur më të për këtë çështje pasi sipas tij janë dy gjëra të ndryshme. Rama thotë se beteja e tij është për të vërtetën dhe dinjitetin e Shqipërisë dhe të shqipatrëve, ndonëse në Itali po shihet si një objektiv kolateral për të sulmuar qeverinë e Melonit shprehet ai.
“Nuk kam folur me Giorgia Melonin, sepse e imja është një betejë për të vërtetën dhe dinjitetin e Shqipërisë dhe të shqiptarëve. Kryeministri juaj nuk ka asnjë lidhje me të, edhe nëse vendi im u soll si një objektiv kolateral i sulmit kundër qeverisë së saj”,- përfundoi kryeministri Edi Rama intervistën.
Intervista e plotë e Edi Ramës për median italiane Corriere Della Serra:
Kryeministër Edi Rama, a nuk ndryshuat mendje pasi protestuat te Rai për episodin e Report për paktin Itali-Shqipëri?
“Fatkeqësisht nuk mund ta fshij atë fjalë. As inteligjenca artificiale nuk mund të gjejë një tjetër që e përshkruan më mirë atë episod. Megjithatë, dua të sqaroj se nuk kam protestuar”.
Ju keni thirrur menaxherin e emisionit, Corsinin?
“I kam komunikuar shërbimit publik një fakt shumë të rëndë, për të cilin në të kundërt nuk do të vihej në dijeni”.
A ju duket e drejtë dhe normale që kryeministri i një vendi tjetër, sado miqësor, të bëjë presion në televizionin shtetëror? Partitë që kundërshtojnë qeverinë Meloni e quajnë atë një skandal.
“Para se të fajësojnë natyrën e fjalës sime dhe skandalin e të qarit, miqtë e mi të dashur në opozitën në Itali duhet të interesohen për shkaqet dhe të përpiqen të kuptojnë se dinjiteti dhe transparenca janë të rëndësishme si kur flitet për shërbimin publik italian dhe kur bëhet fjalë për Institucionet publike shqiptare dhe personat që i përfaqësojnë ato. Unë nuk kam as mjete dhe as qëllim që të imponoj diçka në punët e brendshme të vendit tuaj. Megjithatë, unë kam për detyrë të mbroj vendin tim nga stereotipi i tmerrshëm i një epoke tjetër, të krijuar nga mediat në Itali për Shqipërinë dhe shqiptarët”.
A nuk është e vërtetë se puna në qendrat e emigrantëve është seriozisht prapa planit? Dhe se 650 milionë shpenzimet e pritura në pesë vjet janë rritur në një miliard?
“Çfarë kanë të bëjnë me ne, të gjitha polemikat në shtëpinë tuaj për flukset, kostot, kontratat e kështu me radhë? Asgjë. Dhe çfarë lidhje ka fakti që sekretari i përgjithshëm i qeverisë shqiptare ishte avokat penal në Itali më shumë se dhjetë vjet më parë me paktin për emigrantët? Dhe për çfarë arsyeje të pakuptueshme duheshin thënë gënjeshtra dhe shpifje të eksportuara nga Shqipëria në Itali, për t’u hedhur si gurë shtrigash në sytë e audiencës së Report?”.
Ish-avokati i krimit Engjëll Agaçi, i cili dikur mbronte mafiozët dhe trafikantët shqiptarë të drogës dhe tani është sekretar i përgjithshëm i qeverisë së tij, është njeriu kyç i protokollit apo jo?
“Ka pasur një furi joracionale ndaj Agaçit. Përtej dëmit, është tallja. Pasi censuruan pyetjet, të kërkuara nga programi ndaj sekretarit të përgjithshëm, edhe pse ai u përgjigj me email, ata vazhduan ta akuzonin se nuk kishte pranuar të përgjigjej. Ishte një akuzë shumë e rëndë për t’u gëlltitur në heshtje.”
A është për një formë kompensimi që i kërkuat drejtuesit të Report, Sigfrido Ranucci, që të mund të përgjigjet me një intervistë live?
“Nuk kam kërkuar asnjë dëmshpërblim. Të enjten kam shkëmbyer një mesazh miqësor me drejtuesin Ranucci, pasi kam publikuar në rrjetin social X reagimin tim për fjalimin e tij në një televizion shqiptar. Ndoshta më në fund do të arrij të pohoj arsyet tona në programin e tij, pa u censuruar”.
Meqë ra fjala, çfarë mendoni për censurën Rai në Scurati ?
“Nuk i di detajet e çështjes”.
Megjithatë, ju duhet ti dini detajet e marrëveshjes për dëbimin e emigrantëve të nënshkruar me Melonin. A do të kushtojë shumë para dhe a do të zgjidhë diçka? Edhe ju si kryeministër keni pranuar se keni dyshime…
“Nëse nuk ke dyshime duke u përpjekur të hapësh faqe të reja të çfarëdo lloji, atëherë jeton një hap larg dështimit, kaq”.
Opozita akuzon Melonin se po përdor modelin Orban, për çështjen e të drejtave civile dhe lirisë së informacionit dhe shtypit. A e kanë gabim, apo ka vërtet diçka për t’u shqetësuar?
“Si mund të them se kush ka të drejtë dhe kush e ka gabim, nëse duke ndërhyrë civilisht për një çështje shumë serioze të censurës dhe dezinformimit të lirë që prek Shqipërinë, u gjenda në mes të stuhisë italiane, ku lufta politike më merr si të burgosur?”
Ju siguruat se nuk e keni thirrur homologen tuaj, kryeministren e Italisë, Meloni përpara se të telefononit drejtorin Corsini. A folët më pas me Melonin? Dhe çfarë i keni thënë njëri-tjetrit?
“Nuk kam folur me Giorgia Melonin, sepse e imja është një betejë për të vërtetën dhe dinjitetin e Shqipërisë dhe të shqiptarëve. Kryeministri juaj nuk ka asnjë lidhje me të, edhe nëse vendi im u soll si një objektiv kolateral i sulmit kundër qeverisë së saj.”
