Eno Popi, një nga figurat më të dashura për ekranet shqiptare, ka ardhur me një rrëfim emocionues rreth të ëmës së ndjerë gjatë spektaklit të shkuar në “Dancing with the stars”.
Teksa tregoi se e ëma ka ndërruar jetë disa vite më parë si pasojë e një sëmundje të rëndë, Eno zbuloi se i ka mbetur peng një dëshirë.
“Ka qenë maji i 2014-ës, një telefonatë nga im atë, na tregon se mamaja ishte diagnostikuar me tumor në pankreas. Është të të lëvizi toka në këmbë. Në javët e fundit mua më është dashur që të mbaj dy portrete, një buzëqeshje shprese dhe dëshire për ta vazhduar jetën dhe kur dilja nga dyert e spitalit, një trishtim i pamatë.
Më është dashur të luftoj pikërisht me këtë gjë, për të treguar që do ia dalim ia hidhnim, do bëhet më mirë, edhe pse e dinim që s’do bëhej.
Vazhdimisht e mendoj pse nuk bëmë ne një udhëtim të fundit, kishte shumë qejf të udhëtonte. I thash okay do të marr unë me makinë, një mundësi për të ndenjur vetëm dhe për të folur.
Data 28-29 nëntor mjekët e kanë pushim, dhe më thanë përpiqu që ta bëni kimioterapinë më herët. Shpresova fort që të bëhej mirë dhe ta mbanim planin tonë të udhëtimit. Rënia ishte e dukshme, krevati i u bë vendi që nuk u çua asnjëherë, ku pastaj zoti e mori pas vetes dhe ai udhëtim i parealizuar, ndonjëherë them me vete, pse…
E dinim si do shkonim gjërat por do kishim një moment së bashku, do kishim një kujtim… gjë që unë e humba”, rrëfeu Eno i prekur me lot në sy, ndërsa i emocioni të gjithë publikun dhe babain e tij i cili ndodhej në studio.
“Shijojeni prindërit sa i keni, dhe gëzojuni familjes”– ishte mesazhi që moderatori iu dha të gjithë njerëzve.
lokimagazine
