Një ngjarje e rrallë ka “çoroditur” konkurset e bukurisë për deve në Oman. 20 deve janë përjashtuar nga një garë prestigjioze pasi organizatorët zbuluan se kafshët kishin marrë trajtime kozmetike të ndaluara.
Konkurset e bukurisë për deve, të njohura në vendet e Gjirit, konsiderohen si evente me rëndësi të madhe kulturore dhe të trashëgimisë beduine. Mijëra deve konkurron çdo vit për çmime me vlerë miliona paund, dhe gara nuk është thjesht për pamjen, por edhe për karakterin dhe sjelljen e kafshëve.
Megjithatë, në këtë edicion të fundit në Oman, disa rritës të devesh kanë tentuar të përfitonin duke përdorur metoda të jashtëligjshme. Inspektorët zbuluan se disa deve kishin marrë injeksione Botox për të fryrë buzët, relaksues muskujsh për të zbutur tiparet e fytyrës, si dhe injeksione me dyll silikoni për të zmadhuar gungën e tyre.
Organizatorët theksuan se rregullat për pastrimin dhe ruajtjen e integritetit të konkurseve janë shumë të rrepta, dhe çdo shkelje çon në skualifikim të menjëhershëm. Kjo ngjarje ka ngjallur debat mes rritësve dhe adhuruesve të garave, duke nxjerrë në pah presionin e jashtëzakonshëm për të fituar në një industri ku pamja është gjithçka.
