![](https://i0.wp.com/portalifiks.com/wp-content/uploads/2023/10/faleminderit-qe-me-ke-bere-te-ndihem-aq-mire-oriola-marashi-duket-rrezellitese-ne-krahet-e-djalit-te-andrea-bocelli-t_654176604f256.jpeg?resize=640%2C689&ssl=1)
Oriola Marashi prej vitesh është bërë e tregut ndërkombëtar të modelingut dhe ka pozuar në disa prej pasarelave më të njohura duke shkëlqyer me elegancën dhe sharmin e saj, por ajo është gjithashtu imazh i disa prej spoteve të brand-eve më të njohura nëpër botë.
Së fundmi ajo është bërë pjesë e koleksionit më të ri të “Guess” dhe gjejeni pak kë ka në krahë, as më pak e as më shumë se Matteo Bocelli-m, djalin e artistit të mirënjohur Andrea Bocelli.
Modelja shqiptare ka ndarë në Instagram-in e saj fotot nga projekti i tyre së bashku, i cili është thjesht mbresëlënës, duke i shoqëruar postimet me këngën e tij “Cuando me Enamoro”, si dhe nuk ka hezituar ta falënderojë publikisht Matteo-n pasi e ka bërë të ndihet mjaft mirë me prezencën e tij.
“Do të doja të të falënderoja që je një artist kqq i vërtetë dhe që më ke bërë të ndihem kaq mirë në praninë tënde”- shkruan modelja. Të shumtë janë ata që e kanë përgëzuar për këtë sukses dhe i kanë uruar të tjera suksese.
lokimagazine