Mbrëmja e spektaklit nuk kaloi pa ‘tensione’ në edicionin e tretë të Ferma VIP, ku një moment i papritur nga mesi i transmetimit live trazoi atmosferën mes banorëve.
Gjatë prime-it, moderatorja Arbana Osmani njoftoi një vendim që erdhi si pasojë e zgjedhjes së njërit prej konkurrentëve: deri të hënën, banorët do të ushqeheshin vetëm me fasule dhe fruta. Një sfidë që për disa u duk interesante, por për të tjerë – krejtësisht e papranueshme.
Mes atyre që reaguan më fort ishte shkrimtarja Mimoza Ahmeti. E revoltuar nga situata, ajo vendosi të tërhiqej nga dinamika e spektaklit në mënyrën më demonstrative të mundshme: u shtri në krevatin e saj dhe mbuloi kokën me batanije, duke injoruar faktin që gjithçka transmetohej live për qindra mijëra shikues.
Në një bisedë me një tjetër banor, Ahmeti nuk kurseu ironinë dhe indinjatën e saj, duke u shprehur:
“Ata me tyren e ne me tonen, diku do dalim. Ja unë do fle, nga inati. Duan spektakël? Dhe japin fasule… Mbulo kokën me batanije dhe mbaje spektaklin! Të më shohë me dylbi ajo… vetëm po i nxora ndonjë cep këmbë… që natën e parë fasule!”
Ky reagim ka ndezur menjëherë rrjetin, ku publiku mbështet sinqeritetin e saj dhe i duket komike kjo sitiuatë.
Një gjë është e sigurt: Mimoza Ahmeti sapo dhuroi një nga momentet më të komentuara të këtij sezoni, duke treguar se do të jetë thjeshtë vetvetja.
