Fituesja e burgosur e Çmimit Nobel për Paqen, Narges Mohammadi, ka denoncuar qeverinë “tiranike dhe fetare kundër grave” në Iran në një fjalim pranimi të lexuar nga fëmijët e saj në kryeqytetin norvegjez.
Mohammadi, 51 vjeç, u nderua me Çmimin Nobel të Paqes 2023, në tetor për dekadat e saj të aktivizimit, pavarësisht arrestimeve të shumta nga autoritetet iraniane dhe kalimit të viteve pas hekurave. Ajo mbahet në qeli që nga viti 2021 në burgun Evin të Teheranit.
Të drejtat e grave
Mohammadi i Iranit kritikon regjimin ‘tiranik’ në fjalimin e çmimit Nobel nga burgu. Ishin në fakt fëmijët ata që u bënë zëri i saj.
Ali dhe Kiana Rahmani e pranuan çmimin në emër të nënës së tyre në Bashkinë e Oslos, Norvegji.
Mohammadi ka bërë fushatë kundër mbajtjes së detyrueshme të hixhabit dhe dënimit me vdekje në Iran.
Binjakët e saj 17-vjeçarë Ali dhe Kiana, të dy që jetojnë në mërgim në Francë që nga viti 2015, morën çmimin në emër të saj të dielën, duke mbajtur një fjalim që ajo arriti ta nxirrte “kontrabandë” nga qelia e saj.
“Unë jam një grua e Lindjes së Mesme dhe vij nga një rajon i cili, megjithë qytetërimin e tij të pasur, tani është bllokuar mes luftës, zjarrit të terrorizmit dhe ekstremizmit”, tha ajo në mesazhin e saj.
“Populli iranian do ta shkatërrojë pengimin dhe despotizmin me këmbënguljen e tij.”
Mohammadi është arrestuar dhe dënuar disa herë në dekadat e fundit dhe fëmijët e saj binjakë nuk e kanë parë nënën e tyre për gati nëntë vjet.
“Kur vjen puna për ta parë atë përsëri, personalisht, unë jam shumë pesimiste,” u tha Kiana, vajza e saj gazetarëve në një konferencë shtypi të shtunën.
“Ndoshta do ta shoh pas 30 apo 40 vitesh, por mendoj se nuk do ta shoh më. Por kjo nuk ka rëndësi sepse nëna ime do të jetojë gjithmonë në zemrën dhe me familjen time.”
Ndërsa morën çmimin në emër të saj, karrigia ku do ulej nëna e tyre qëndronte aty, bosh dhe një fotografi e saj ishte në mes të sallës.
Çmimi përfshin një çek për 11 milionë korona suedeze (rreth 1 milion dollarë).
Mohammadi është një nga gratë që udhëhoqi kryengritjen “Gruaja, Jeta, Liria”, e cila realizoi protesta për muaj të tërë të shkaktuara nga vdekja e 22-vjeçares Mahsa Amini.
Amini, një grua kurde iraniane, vdiq më 16 shtator 2022, teksa u arrestua nga policia fetare e Iranit për gjoja shkelje të kodit të veshjes së Republikës Islamike për gratë.
Lëvizja kërkon fundin e imponimit të shamisë nga Irani për të gjitha gratë dhe fundin e qeverisë së udhëhequr nga klerikët myslimanë në Teheran.
/tiranapost
