Nuk është hera e parë që shkenca e përshkruan muzikën si “ilaçin e shpirtit”. Tani, një studim i ri hedh dritë mbi vetitë shëruese të muzikës, të cilat lidhen edhe me dhimbjen fizike. Prandaj, studimi, i botuar në revistën Frontiers in Pain Research, zbuloi se muzika e preferuar e secilit pacient reduktoi ndjeshëm shqetësimin, ndërsa rrit aftësinë e tyre për të përballuar dhimbjen fizike.
Ekipi hulumtues testoi 63 pjesëmarrës të shëndetshëm duke ngrohur një zonë në krahun e tyre të majtë. Gjatë procedurës, pjesëmarrësit mund të dëgjonin dy nga pjesët e tyre të preferuara ose muzikë relaksuese ose zhanre të përziera të muzikës ose heshtjes. Në fund të procesit të kërkimit, pjesëmarrësve iu kërkua të vlerësonin intensitetin dhe ndjesinë e dhimbjes që ndjenin.
Sipas gjetjeve, pjesëmarrësit e vlerësuan dhimbjen si rreth katër pikë më pak intensive në një shkallë prej 100 pikësh, por edhe rreth nëntë pikë më pak të pakëndshme, kur dëgjonin muzikën e tyre të preferuar.
Nga ana tjetër, autori kryesor i hulumtimit, tha: “Ne zbuluam se lloji i preferuar i muzikës së të gjithëve reduktoi ndjesinë e dhimbjes me rreth një pikë në një shkallë 10-pikëshe. Ky është një reduktim i konsiderueshëm, të paktën po aq i fortë sa ai i siguruar nga marrja e një qetësuesi. Muzika që krijon emocione të forta mund të ketë një efekt edhe më të fortë”.
