Agjencia e Mbikqyrjes policore AMP, reagoi pese dite pas renies nga lartesia te policit Azbi Spahiu.
Efektivi i rrugores, ra nga kati i 9 ne Tirane, dy dite pasi kishte marre pjese ne hartimin e dokumentacionit per arrestimin e te riut Martin Mane, djali i biznesmenit Samir Mane.
AMP thekson se ka nisur verifikimet menjehere pas ngjarjes per rastin, dhe se efektivi, ka dhene deklarime ne spital ku thekson me shkrim se nuk ka pasur presione apo nderhyrje per shkak te detyres.
Njoftim për media
Nisur nga interesi i disa mediave, pranë Agjencisë së Mbikëqyrjes Policore, e duke marrë shkas nga lajmet e publikuara në media dhe rrjete sociale, lidhur me ngjarjen e oficerit të Policisë A.S., në Komisariatin e Qarkullimit Rrugor Tirane, strukturat e AMP-së Tiranë pavarësisht se nuk kanë administruar një ankesë apo pretendim zyrtar, kryen verifikimet e nevojshme për sqarimin e rrethanave të ngjarjes.
Kështu, në kuadër të veprimeve verifikuese, që nga momenti i marrjes dijeni, drejtuesit e AMP-së Tiranë janë paraqitur pranë Spitalit të Traumës, për t’u interesuar mbi shëndetin e punonjësit të Policisë, por dhe për të administruar çdo pretendim të mundshëm, për shkak të detyrës.
Nga deklarimi me shkrim i administruar nga Agjencia e Mbikëqyrjes Policore, punonjësi i Policisë A.S. nuk ngre asnjë pretendim lidhur me ushtrimin e ndikimit të paligjshëm, apo çdo formë tjetër presioni, shantazhi gjatë ushtrimit të detyrës dhe për shkak të saj.
Veprimet verifikuese vazhdojnë për sqarimin e plotë të ngjarjes.
AMP falenderon mediat për besimin e mirëkuptimin dhe inkurajon publikun të denoncojë çdo rast paligjshmërie në numrin e gjelbër (pa pagesë) 08009090.
