Dashi
Ka rrezik që dita e nesërme të jetë mjaft e trazuar për ata që janë në një lidhje. Nuk do ndiheni shumë mirë pranë partnerit dhe do mendoni të qëndroni të veçuar. Beqarët duhet të tregohen më të duruar nëse duan të gjejnë personin më të përshtatshëm. Në planin financiar nuk duhen ndërmarrë rreziqe, edhe sikur gjendja të jetë e mirë. Nuk është ende momenti.
Demi
Ndikimi i yjeve nuk do jetë aspak pozitiv për jetën sentimentale të çifteve. Do ketë mosmarrëveshje dhe debate pa fund. Beqarët do kenë mundësi të shumta për të njohur persona të veçantë, prandaj do jetë më e lehtë për ta të bëjnë një zgjedhje. Në planin financiar do jeni më shumë me fat. Gjendja do jetë goxha e mirë.
Binjakët
Do jeni bashkëpunues dhe mjaft të përkujdesur gjatë kësaj dite për atë që keni në krah. Marrëdhënia në çift do jetë e shkëlqyer. Beqarët duhet të tregohen të hapur në mënyrë që të takojnë sa më shumë persona, përndryshe do mbeten sërish vetëm. Në planin financiar do ju duhet ndihma dhe këshilla e miqve në mënyrë që gjendja të mos ketë tronditje.
Gaforrja
Tensioni që kishte kohë që mbizotëronte në jetën tuaj në çift, do fillojë të ulet. Do flisni më qetësisht dhe më lirshëm me atë që keni në krah. Beqarët do realizojnë takime mbresëlënëse të cilat do ua ndryshojnë rrënjësisht jetën. Në planin financiar do keni më shumë fat se kurrë më parë. Do shpenzoni aq sa ju duhen dhe do hiqni edhe disa para mënjanë.
Luani
Do ndiheni më të lirë se kurrë ju që jeni në një lidhje dhe do bëni atë që ju thotë zemra. Çdo çast do jetë emocionues dhe i mrekullueshëm. Beqarët do kenë veçse mundësi për takime kalimtare dhe pa asnjë të ardhme. Që financat të jenë të mira, duhet të shpenzoni me kujdes dhe largpamësi. Mos mendoni vetëm për momentin, sepse nesër nuk do dini nga t’ia mbani.
Virgjëresha
Do ngrini shumë pikëpyetje gjatë kësaj dite mbi jetën tuaj në çift. Kohët e fundit shumë sjellje të partnerit nuk ju kanë pëlqyer dhe do e kritikoni atë. Beqarët do jenë më shumë me fat dhe do arrijnë ta gjejnë princin e tyre të kaltër. Gjendja e financave do jetë shumë më e mirë nga disa kohë më parë, por jo në atë gjendje sa për të kryer investime të tejskajshme.
Peshorja
Jupiteri do jetë planeti që do e favorizojë jetën sentimentale të çifteve. Gjithçka do shkojë më së miri ndërmjet jush dhe personit që keni në krah. Mos ua vini aspak veshin atyre që do ju thonë ata që ju rrethojnë. Beqarët do kenë një ditë të zakonshme dhe pa ndonjë takim mbresëlënës. Në planin financiar duhet të mateni disa herë para se të kryeni shpenzime.
Akrepi
Do e kuptoni partnerin tuaj dhe do e mbështesni atë për çfarëdo që të jetë. Ndonjëherë nuk janë vetëm çastet intime ato që e zbukurojnë ditën dhe ju bëjnë të ndiheni mirë. Beqarët nuk duhet ta humbin shpresën deri në momentin e fundit. Buxheti do ekuilibrohet falë maturisë dhe përkujdesit që ju do tregoni. Vazhdoni në këtë rrugë dhe keni për t’u pasuruar shpejt.
Shigjetari
Do ndiheni mjaft mirë pranë personit që dashuroni dhe nuk do mendoni aspak për dikë tjetër. Bëni vetëm pak më tepër kujdes me xhelozinë. Beqarët mund të fillojnë një lidhje me një person të cilin më parë e kanë tallur dhe janë zënë ashpër. Financiarisht do jeni të favorizuar. Nëse silleni në këtë mënyrë, shumë shpejt do pasuroheni.
Bricjapi
Jeta juaj në çift do jetë goxha e qëndrueshme gjatë kësaj dite. Nuk do keni asnjë arsye për çfarë të debatoni me të. Beqarët nuk do jenë aspak në humor për të filluar një lidhje dhe do qëndrojnë sërish vetëm. Financat do i menaxhoni si duhet dhe gjendja do jetë më e stabilizuar nga sa e kishit menduar. Do mund të hiqni disa para mënjanë.
Ujori
Edhe pse në një lidhje, do ndiheni shumë të vetmuar gjatë kësaj dite. E mira është të flisni hapur me partnerin nëse doni të sqaroni çdo keqkuptim. Beqarët nuk do mund ta krijojnë dot lidhjen që kanë ëndërruar, por kjo nuk do të thotë që do e vuajnë vetminë. Në planin financiar mos harroni të kujdeseni për çdo detaj, në mënyrë që edhe e ardhmja të jetë e siguruar.
Peshqit
Mbyllini sytë sot dhe lëreni veten të lirë. Partneri do ju bëjë të ndiheni si në ëndërr, kështu që mund të keni besim të plotë tek ai. Beqarët nuk do jenë aspak në humor për të gjetur dashurinë dhe do qëndrojnë me të njëjtin status që kanë. Në planin financiar mos u tregoni impulsivë, në mënyrë që situata të mos bëhet delikate. Shtrijini këmbët sa keni jorganin.
