Elon Musk ka reaguar pas përmendjes së emrit të tij në publikimin më të fundit të dosjeve që lidhen me Jeffrey Epstein. Dokumentet përfshijnë email-e ku përmenden diskutime biznesi mes Musk dhe financierit të dënuar në vitin 2013, si edhe pyetje mbi festat e organizuara në ishullin e Epstein.
Në reagimin e tij, Musk thekson se ka qenë një nga zërat më të fortë për transparencë dhe drejtësi:
“Askush nuk ka luftuar më shumë se unë për publikimin e plotë të dosjeve të Epstein dhe për ndjekjen penale të atyre që kanë abuzuar me fëmijët.”
Ai shton se e kishte parashikuar që, sipas tij, “mediat tradicionale dhe propagandistët e majtë ekstrem” do të mohonin faktet dhe do të ngrinin kundërakuza. Musk mohon kategorikisht çdo përfshirje personale, duke deklaruar se nuk ka marrë pjesë në festat e Epstein, nuk ka udhëtuar me avionin e tij të njohur si “Lolita Express” dhe nuk ka vizituar ishullin e tij.
“Dhimbja e akuzimit si e kundërta e asaj që jam ia vlejti. Të fortët duhet të mbrojnë ata që nuk mund të mbrojnë veten, veçanërisht fëmijët më të cenueshëm. Jam i gatshëm të pranoj çdo kosto për të bërë më shumë për mbrojtjen e tyre dhe për t’u dhënë një shans për një jetë të lumtur”, përfundon Musk.
/tiranapost
