Ferma V.I.P. dhuroi emocione të forta në mbrëmjen e njëzetë prime teksa strategjitë e lojës u shkrumbuan nga elementi i sfidës katërshe, debatet e mbartura nga jashtë të konkurentëve por edhe raportet e mundëshme intime mes disa prej tyre.
Përmes dy televotimeve, publiku vendosi të sprovojë Albano Bogdo-n, Gloria Meshi-n, Xhesika Polo-n dhe Valer Kolnikaj-n.
Në një ndërthurje elementesh që nis me shkathtësinë, përqëndrimin, bashkëpunimin në skuadër por edhe fatin, dëshira për të fituar garën mbizotëroi atmosferën dukshëm.
Albano dhe Xhesika i’a dolën të ruajnë statusin e tyre si fermerë. Ndërsa dyshja Valer-Gloria u larguan përfundimisht nga gara për çmimin e madh prej 100 mijë eurosh.
Dy personazhe që kanë fituar mbështetjen e publikut në vazhdimësi dhe i kanë dhuruar formatit karaktere të fortë dhe shumëdimensionalë në 67 ditë qëndrimi brenda rrethimit të Ferma V.I.P.
Skualifikimi i Valer Kolnikaj dhe Gloria Meshi-t në këtë fazë të garës, shtron edhe njëherë pikëpyetjet mbi rolin që duhet të ruajnë konkurentët brenda këtij reality show risi.
Ndërkohë, agai i ka besuar autoritetin në fermë Robert Aliaj Dragot. Një personazh kompleks që ka ndezur debatet dhe ka sfiduar thuajse të gjithë karakteret që gjenden në garë.
Mbetet për t’u parë se si do ta provokojë lojën në rolin e kryefermerit ndërsa ka patur edhe një përplasje të fortë me fermeren më të re, Xhensila Pere për shkak të një raporti të thyer jashtë fermës V.I.P.
Të gjithë fermerët janë në televotim për më të preferuarin, përveç Xhensilës e cila ka imunitet.
Gjatë mbrëmjes së njëzetë prime që u transmetua në ekranin e Vizion Plus, Albano Bogdo dhe Baby G kanë mohuar zërat për një lidhje të mundëshme mes tyre.
Pavarësisht asaj që keni ndjekur 24 orë në shtatë ditë të javës përmes platformës digjitale Tring në dy kanale të dedikuar, duket se perceptimi është ende i paqartë.
Gjatë këtyre ditëve, të dy fermerët do të jetojnë në shtëpinë e fakirit, të izoluar nga pjesa tjetër e fermës. Një mundësi kjo për t’i parë se si do të pozicionohen kundrejt njëri-tjetrit.
Këto dhe të tjera zhvillime mund t’i ndiqni në Ferma Vip 1 dhe Ferma Vip 2 , po ashtu në rrjetet tona sociale si dhe në kanalin zyrtar të you tube, Fema V.I.P. Albania. /vizionplus.tv
