Ndërsa temperatura e ajrit bie, po ashtu edhe nivelet e lagështisë rriten, ndaj lëkura juaj thahet
Kombinimi i lagështisë me erërat e forta dhe ngrohjen e ambientit me ajër të kondicionuar (të dyja shkatërrojnë barrierën tuaj mbrojtëse, duke e bërë më të vështirë për lëkurën të mbajë hidratimin), rreziku për tharje, skuqje dhe plasaritje të lëkurës rritet. Dhe nëse jeni të prirur ndaj ekzemës ose rosaceas, moti i dimrit mund të përkeqësojë gjendjen e lëkurës tuaj.
Nuk ka rëndësi se çfarë tipi të lëkurës keni, pasi edhe ata me lëkurë të yndyrshme ndiejnë efektet kur e rrisni temperaturën e ambientit me ajër të kondicionuar.
“Nga i ftohti, lëkura juaj përpiqet të ruajë nxehtësinë duke ngushtuar enët e gjakut, gjë që e bën lëkurën të thahet në shtresat e jashtme,” shpjegon dermatologia e Nju Jorkut, Debra Jaliman.
Kjo bën që lëkura të duket e thatë dhe e zbehtë. Por mund të siguroheni që lëkura juaj të mbetet e butë dhe e hidratuar gjatë gjithë sezonit—ja se si mund ta parandaloni tharjen e lëkurës gjatë muajve të dimrit.
Shenjat e lëkurës së thatë
Ka disa shenja që do t’ju tregojnë nëse duhet të shtoni një shtresë të ekstra hidratimi në rutinën tuaj.
“Lëkura e thatë ndjehet e tkurrur, kruhet dhe mund të duket e kuqe ose rozë, sidomos pas pastrimit,” thotë dermatologia Azadeh Shirazi. “Po ashtu mund të vëreni plasaritje, linja dhe rrudha më të theksuara.”
Sipas Dr. Shirazit, lëkura e thatë është gjithashtu më e prirur ndaj irritimeve dhe inflamacionit, që mund të çojnë në plasaritje ose çarje në lëkurë, veçanërisht në duar dhe buzë.
Si të parandaloni tharjen e lëkurës
Mbani lëkurën të mbuluar kur jeni jashtë në të ftohtë.
Mbani shall, kape, doreza, etj. Era e bashkuar me temperaturat e ftohta mund të thajë shpejt lëkurën e ekspozuar. Po ashtu, duhet të vishni materiale natyrale si pambuku, thotë Dr. Jaliman—përbërësit sintetikë mund të shkaktojnë kruarje dhe irritime në lëkurën e ndjeshme, duke e tharë atë.
Shmangni dushin dhe banjat e gjata dhe të nxehta
Këto dy elementë shkatërrojnë shtresën lipidike të lëkurës tuaj.
“Mbajeni temperaturën e ujit të vakët dhe kohëzgjatjen nën pesë minuta,” këshillon Dr. Marchbein. Fshijeni lëkurën me një peshqir pambuku dhe menjëherë aplikoni krem trupi ndërsa lëkura është ende e lagur për një përthithje maksimale.
Limito përdorimin e produkteve për kujdesin e lëkurës me përbërës të ashpër aktiv
Medikamentet për akne dhe serumet kundër rrudhave me përbërës të fuqishëm si retinoli mund të kenë efekte negative, thotë Dr. Marchbein.
Nëse retinoli ndjeni se po ju than lëkurën, mund të zgjidhni alternativa të retinolit si bakuchiol ose vitaminë C. Nëse kjo ende nuk mjafton, përdorni trajtimin “sanduiç” të Dr. Marchbein duke aplikuar krem hidratues para dhe pas produkteve aktive.
