Konsumimi i ushqimeve ultra të përpunuara mund të shkaktojë këtë ndryshim dramatik në fytyrat e fëmijëve, sipas një studimi.
Ushqimet e mbushura me aditivë si patatinat dhe karamele, janë vënë nën kritika për dekada për rreziqet e supozuara të tyre, me dhjetëra studime që i lidhin ato me diabetin e tipit 2 , sëmundjet e zemrës dhe kancerin.
Dhe tani, mjekët po bëjnë thirrje për ndërprerjen e mëtejshme të këtyre ushqimeve. Në veçanti, shkencëtarët spanjollë që ndoqën dhjetëra fëmijë të vegjël, zbuluan se ngrënia e një diete të përbërë nga ushqime ultra të përpunuara, të cilat zakonisht janë të buta, ndikonte në zhvillimin e nofullave të tyre.
“Përtypja luan një rol kyç në zhvillimin e duhur të nofullave, pasi stimulon rritjen e kockave, forcon muskujt e fytyrës dhe promovon shtrirjen e duhur të dhëmbëve. Përtypja e ushqimeve të ngurta dhe fibroze, si frutat, perimet ose proteinat natyrale, ushtron nofullat, duke ndihmuar në parandalimin e problemeve të tilla si malokluzioni (rregullimi i dobët i dhëmbëve) dhe mangësitë në madhësinë dhe formën e harqeve dentare. Nga ana tjetër, dietat e bazuara në ushqime shumë të përpunuara, të cilat janë të buta dhe kërkojnë pak përpjekje për t’u përtypur, ndikojnë negativisht në zhvillimin e nofullës. Këto ushqime nuk stimulojnë mjaftueshëm muskujt dhe kockat maksilofaciale, mund të çojnë në struktura të pazhvilluara kockore dhe të rrisin rrezikun e malokluzionit dhe problemeve të frymëmarrjes.” tha stomatologia, Laura Marques Martinez.
Në studim, u gjurmuan zakonet e të ngrënit, strukturat e dhëmbëve dhe forma e kafkës të 25 fëmijëve të moshës 3 deri në 5 vjeç. Ata zbuluan se ata që hanin ushqime më të buta kishin më shumë gjasa të kishin proteza pa boshllëqe, të cilat nevojiten për hapësirë kur dalin dhëmbët më vonë. Syri.net- iefimerida
