Doza e kafeinës që ju konsumoni në mëngjes, mund të jetë e dobishme për shëndetin tuaj, si dhe për jetëgjatësinë tuaj.
Hulumtimet e reja, kanë gjetur një lidhje midis pirjes së një kafeje para drekës dhe uljes së ndjeshme të rrezikut, të sëmundjeve të zemrës.
Sipas një studimi 10-vjeçar të 40,000 të rriturve amerikanë, e kryer nga ‘Universiteti Tulane’ në Luiziana, njerëzit që pinin kafe në mëngjes kishin 31% më pak gjasa të vdisnin nga sëmundjet kardiovaskulare dhe 16% më pak gjasa të vdisnin më herët nga ndonjë shkak sesa ata që pinin kafe pas drake dhe ata që nuk pinin fare.
Ashtu si në shumë gjëra në jetë, koha është gjithçka. Nuk kishte asnjë ndryshim domethënës midis atyre që pinin kafe gjatë gjithë ditës dhe atyre që nuk pinin për sa i përket shkallës së vdekshmërisë.
“Gjetjet tona tregojnë se nuk është vetëm nëse pini kafe apo sa shumë pini, por koha e ditës që pini kafe ka rëndësi. Ne zakonisht nuk japim këshilla për kohën në udhëzimet tona ushqyese, por mbase duhet ta konsiderojmë këtë në të ardhmen.” tha autori kryesor i studimit. Syri.net- newsbomb.gr
