Deputeti i VV-së, Mefail Bajqinovci ka bërë një reagim në Facebook lidhur me një ngjarje që tronditi opinionin publik: fshehjen e një milion eurosh në një automjet të modifikuar, e cila u kap nga autoritetet serbe në kufirin e Merdarës.
Ai shkruan se, ndonëse policia dhe dogana kanë vepruar me profesionalizëm dhe paratë janë zbuluar, rasti përfundoi me lirimin e personit të përfshirë, duke krijuar pyetje të mëdha për qytetarët.
“Mosdeklarimi i një shume kaq të madhe dhe lirimi pas kapjes nuk është e lehtë të shpjegohet,” thekson Bajqinovci.
Postim i plotë:
Mos me deklaru 1 milion euro në doganë.
Me i fshehë në një hapësirë të modifikuar të automjetit.
Me u kapë në kufirin në Merdare nga Serbia.
Dhe në fund me u liru.
Kjo nuk është e lehtë të shpjegohet.
Policia dhe Dogana e kryejnë detyrën me profesionalizëm. Paratë zbulohen, rasti procedohet.
Por kur thuhet se “nuk ka prova”, atëherë lind pyetja e drejtë:
Çfarë nënkupton kjo për qytetarët?
A është normale fshehja e 1 milion eurove?
A mjafton mosdeklarimi për ta mbyllur çështjen?
Sundimi i ligjit duhet të jetë i qartë, i barabartë dhe i kuptueshëm për të gjithë.
Çdo paqartësi e dëmton besimin e qytetarëve në drejtësi.
