2
“Jeta është e frikshme kur e vetmja lëvizje që mund të bësh për javë të tëra është nga krevati në divan”
Këngëtarja e njohur shqiptare, Enisa, ka ndarë një postim në rrjetet sociale pas një periudhe të vështirë. Ajo tregon se sapo ka kaluar tri javët më të këqija të jetës për shkak të një gjendjeje të rënduar gripale.
Enisa thotë se gjithçka ka kërkuar gjatë atyre ditëve ishte që të bëhej mirë. Ajo e quan këtë përvojë si diçka shumë të papritur për të përmbyllur vitin, ndërsa në fund falënderon këdo që është interesuar për të.
“Jashtë për herë të parë pas 3 javëve më të këqija të jetës sime! Kam parë tmerr me gripin A (i njohur edhe si varianti më i keq i gripit). Shumë ditë mendova se nuk do t’ia dilja, ishte shumë keq, por kisha Zotin në krah. Jeta është e frikshme kur e vetmja lëvizje që mund të bësh për javë të tëra është nga krevati në divan, por më ndryshoi këndvështrimin në gjithçka. Kur nuk ke shëndetin, asgjë tjetër s’ka rëndësi. Më kujtohet kur gjithë çfarë i thosha vetes ishte që dua vetëm të jem sërish e shëndetshme. Çfarë mënyre e papritur për të mbyllur vitin. Jam shumë mirënjohëse për këtë jetë dhe dua t’i marr më të mirën. Faleminderit kujtdo që më kontaktoi, i kam lexuar të gjitha mesazhet tuaja dhe ju vlerësoj shumë! Mezi pres që të vijë 2026!”, shkruan Enisa në postimin e saj në “Instagram”.
Këngëtarja, e cila jeton në Shtetet e Bashkuara të Amerikës, ka përjetuar edhe më herët situata të frikshme shëndetësore. Në gusht të vitit 2023, një makinë me shpejtësi të lartë u përplas me makinën ku ndodhej ajo.
ks
