Debati për ‘shpirtin binjak’ është gjithnjë i ndezur dhe ca njerëz mendojnë se është një koncept i shpikur dhe aspak realist, ndërsa disa të tjerë e besojnë fort se në një cep të botës, dikush është krijuar për të qenë shpirti binjak i tyre dhe se herët apo vonë, jeta do i takojë së bashku.
Këta njerëzit e grupimit të dytë, me shumë gjasa u përkasin këtyre shenjave:
Demi
Demi udhëhiqet nga Afërdita, ndaj është një shenjë shumë romantike dhe e përkushtuar. Shenjat e Tokës janë shumë të qëndrueshme, ndaj nëse kanë një marrëdhënie të shëndetshme me një partner që i besojnë, janë 100% të mendimit se po, ‘shpirti binjak’ ekziston.
Gaforrja
E si mund t’i mungonte listës një prej shenjave më romantike të horoskopit? Gaforrja e adhuron dashurinë dhe gjithë kohës imagjinon të ardhmen në krahët e ‘shpirtit binjak’. Duke qenë kaq e dhënë pas këtij mendimi, s’janë të pakta herët kur Gaforrja injoron flamujt e kuq te njerëzit, por, ajo ringrihet dhe mbetet një romantike e pashpresë.
Peshroja
Njëjtë si Demi, edhe Peshorja udhëhiqet nga Afërdita, ndaj s’është fare çudi që beson te ‘shpirti binjak’. Plus, është një shenjë që kërkon lidhje emocionale dhe një marrëdhënie të përkushtuar. Peshorja, nëse lidhet, mendon vetëm për të ardhmen, martesën, fëmijët, shtëpinë me oborr ku dëgjohen të qeshurat e fëmijëve…
Peshqit
Ëndërrimtarët e horoskopit jo vetëm që e besojnë, por edhe e mbrojnë me shpirt idenë e ‘shpirtit binjak’. Peshqit janë shumë romantikë dhe përhumben në mendimet e tyre, sidomos kur bëhet fjalë për dashurinë.
