Republika e Kosovës dhe Australia rikonfirmuan gatishmërinë për të thelluar bashkëpunimin dhe për të forcuar më tej marrëdhëniet bilaterale.
Madje, duke theksuar rëndësinë e partneritetit me rajonin e Paqësorit përmes bashkëpunimit të ngushtë me shtetin mik, Australinë.
Gjatë një takimi të zhvilluar në një frymë miqësore dhe konstruktive, u diskutua avancimi i bashkëpunimit bilateral dhe koordinimi në kuadër të forumeve shumëpalëshe, me theks të veçantë në intensifikimin e komunikimit dhe identifikimin e fushave me interes të përbashkët, njofton MPJD.
Drejtori i Departamentit për Azi dhe Oqeani në MPJD, Guner Ureya, i shoqëruar nga Udhëheqësja e Divizionit për Azi Juglindore dhe Oqeani, Kaltrina Ademi, priti Ambasadorin jorezident të Australisë, Richard Rodgers, i shoqëruar nga Zyrtarja për çështje politike dhe ekonomike, Dijana Padezanin.
