10
Ajo që nisi si një ide e thjeshtë për pavarësi personale, sot është shndërruar në një nga brendet më të përfolura të modës në hapësirën shqiptare. Kosovamanswear po konsolidohet si një histori suksesi, duke ndikuar drejtpërdrejt në mënyrën se si perceptohet moda në Kosovë dhe Shqipëri.
Rritja e shpejtë e markës lidhet ngushtë me strategjinë e marketingut dhe ekspozimin në platforma me ndikim të gjerë publik. Një ndër momentet kyçe ishte përfshirja në “Big Brother VIP Kosova”, që sipas vetë ekipit të brendit, pati rol vendimtar në zgjerimin e audiencës dhe rritjen e njohjes. Kosovamanswear e sheh Kosovën dhe Shqipërinë si një treg të përbashkët, me synimin që koleksionet e veshjeve sportive të kenë të njëjtin impakt si në Prishtinë, ashtu edhe në Tiranë.
Brendi u diferencua herët përmes guximit për të sjellë risi. Katër vite më parë, kur stili oversize ishte pothuajse i panjohur në tregun shqiptar, Kosovamanswear ishte ndër të parët që e prezantoi. Fillimisht u përball me skepticizëm, por kjo qasje rezultoi e suksesshme dhe sot konsiderohet një nga elementet identifikuese të markës. Filozofia e saj përqendrohet në tri shtylla kryesore: dizajn unik, komfort dhe cilësi.
Sipas ekipit, fokusi kryesor nuk ka qenë vetëm pamja e jashtme, por përvoja e klientit në momentin e veshjes. Rehatia dhe eleganca kanë ndikuar në krijimin e një baze të qëndrueshme konsumatorësh, ku rekomandimi nga klientët është kthyer në një nga format më efektive të promovimit.
Kosovamanswear ka marrë mbështetje edhe nga figura të njohura publike. Reperi Fero ishte ndër emrat e parë që u identifikua me brendin, ndërsa këngëtarja dhe ish-banorja e Big Brother VIP Kosova 3, BayT, ka qenë një nga mbështetëset më të afërta. Në mesin e bashkëpunimeve përfshihen edhe Nderim Neziri, Azem Gagica, Getinjo, Violeta Kukaj, Gen Zeqiraj, Blerona Zeqiri, si dhe Ana dhe Kevin, gazetarë dhe ish-banorë të “BBVK”.
Rruga drejt suksesit nuk ka qenë pa vështirësi. Sfidat kryesore kanë qenë mungesa e informacionit për lëndët e para dhe mungesa e mbështetjes profesionale në fazat e para. Çdo proces, sipas ekipit, është ndërtuar gradualisht përmes përvojës dhe punës së vazhdueshme.
Sot, Kosovamanswear shihet si një shembull frymëzues për brendet vendore, veçanërisht për të rinjtë që synojnë të ndërtojnë biznese kreative në Kosovë. Marketingu i zgjuar, cilësia e produktit, dizajni i veçantë dhe korrektësia ndaj klientit konsiderohen shtyllat kryesore të këtij suksesi.
Planet për të ardhmen përfshijnë lansimin e katër deri në pesë koleksioneve të reja gjatë vitit 2026. Zgjerimi në tregjet europiane dhe globale mbetet objektiv afatmesëm, ndonëse aktualisht paraqet sfida infrastrukturore. Ndërkohë, brendi vazhdon të ruajë profilin e një marke “virale”, që rritet përmes punës dhe risisë, jo përmes imponimit.
Në një treg ku kopjimi është i shpeshtë, Kosovamanswear po dëshmon se origjinaliteti dhe këmbëngulja mund të kthehen në avantazh konkurrues.
Tashmë me pos banorëve të “Big Brother VIP Kosova”, vishen edhe yjet e “Big Brother VIP Albania”.
ks
