Vesa Vllasaliu ka ndarë për herë të parë me ndjekësit fotografitë krah partnerit të saj, Mirlindit, nga dita e kurorëzimit të tyre.
Çifti kishte zgjedhur qytetin e Solothurnit në Zvicër për këtë moment, të cilin vitin e kaluar vendosën ta mbanin larg vëmendjes së publikut.
Në atë periudhë, Vesa dhe Mirlindi po përjetonin edhe një tjetër kapitull të rëndësishëm, pasi ishin në pritje të fëmijës së tyre të parë.
Muaj më parë, Vesa kishte publikuar vetëm një fotografi ku shfaqej e vetme me fustanin e bardhë, pa zbuluar pamjet e plota nga kurorëzimi apo fotografitë me partnerin.
Tashmë ajo ka vendosur ta ndajë për herë të parë setin krah Mirlindit, duke zbuluar disa prej momenteve që deri më sot kishin mbetur private.
Pas kurorëzimit, familja e tyre u zgjerua në dhjetor, kur Vesa dhe Mirlindi u bënë prindër për herë të parë. Në jetë erdhi vajza e tyre, të cilën e pagëzuan me emrin Miresa.
Fotografitë e publikuara së fundmi rikthejnë kështu Vesën dhe Mirlindin te një prej ditëve më të rëndësishme të historisë së tyre, këtë herë duke e ndarë atë edhe me publikun.
