3
Kryeministri Albin Kurti është duke qëndruar për vizitë zyrtare në Zvicër.
Në ditën e dytë të vizitës, Kurti u takua me presidentin e Këshillit Kombëtar Zvicëran, Eric Nussbaumer, dhe deputetë shqiptarë të Grupit Parlamentar të Miqësisë.
Pas takimit, Kurti tha se diskutimi vuri në pah marrëdhëniet e shkëlqyera mes dy shteteve.
“Parlamentarët ritheksuan gjithashtu mbështetjen e qartë të Zvicrës për anëtarësimin e Kosovës në Këshillin e Evropës dhe shpresën se ratifikimi i ardhshëm i marrëveshjes EFTA do të shërbejë si shtysë për një përpjekje më të gjerë për rritjen e bashkëpunimit ekonomik ndërmjet shteteve tona” shkroi Kurti në “X”.
Ky është postimi i plotë i kryeministrit:
Një kënaqësi e madhe të takohem me presidentin e Këshillit Kombëtar Zviceran, Eric Nussbaumer dhe deputetë të tjerë shqiptarë të Grupit Parlamentar të Miqësisë.
Diskutimi ynë i gjerë vuri në pah marrëdhëniet e shkëlqyera dypalëshe midis vendeve tona. Ne prekëm përparimin e shpejtë demokratik dhe ekonomik të Kosovës gjatë viteve të fundit dhe ramë dakord të punojmë së bashku ngushtë për të ndërtuar mbi këtë sukses. Parlamentarët ritheksuan gjithashtu mbështetjen e qartë të Zvicrës për anëtarësimin e Kosovës në Këshillin e Evropës dhe shpresën se ratifikimi i ardhshëm i marrëveshjes EFTA do të shërbejë si shtysë për një përpjekje më të gjerë për rritjen e bashkëpunimit ekonomik ndërmjet shteteve tona.
